Նամակներ են հանձնվել ՄԱԿ-ի բարձրաստիճան անձանց` ապօրինաբար գերեվարված հայերի ազատ արձակման պահանջով
Շվեյցարիայի Ժնև քաղաքում տեղի ունեցած ՄԱԿ-ի Մարդու իրավունքների խորհրդի 61-րդ նստաշրջանի ընթացքում Արցախի Հանրապետության Ազգային ժողովի կողմից կյանքի կոչված Արցախի Ժողովրդի իրավունքների պաշտպանության հանձնախմբի անդամ Մարիո Նալբանդյանը հանդիպումներ է ունեցել Միացյալ ազգերի կազմակերպության մարդու իրավունքների, փախստականների հարցերով ինչպես նաև այլ պատասխանատու բարձրաստիճան անձանց հետ։
Հանդիպումների քննարկման նյութ է դարձել Մ․ Նալբանդյանի կողմից բարձրացված հարցերը Արցախի ժողովրդի իրավունքների, հատկապես հավաքական վերադարձի, Ադրբեջանում պահվող հայազգի գերիների ազատ արձակման, մշակութային ժառանգության պաշտպանության և Հայաստանի Հանրապետությունում ապաստան գտած ժողովրդի խնդիրների մասին։
Մ․ Նալբանդյանը բոլոր բարձրաստիճան պաշտոնյաներին փոխանցել է Արցախի Հանրապետության Ազգային ժողովի նախագահ Աշոտ Դանիելյանի նամակները և Արցախի համայնքների ղեկավարների կողմից ստորագրված հավաքական նամակ-դիմումները։
Արցախի Հանրապետության ԱԺ նախագահի ՄԱԿ-ի Մարդու իրավունքների բարձրաստիճան պաշտոնյանին ներկայացված նամակում հատկապես նշվում է. «Արցախի (Լեռնային Ղարաբաղի) ժողովրդի համար բացարձակ առաջնահերթությունը մեր նախնիների հայրենիք հավաքական, անվտանգ և արժանապատիվ վերադարձն է։ Մեր կապը մեր տների, մեր սրբավայրերի և մեր նախնիների գերեզմանների հետ անսակարկելի մարդու իրավունք է։ Տարածաշրջանում տևական խաղաղություն հնարավոր չէ ապահովել էթնիկ զտման լեգիտիմացման միջոցով․ դրա համար անհրաժեշտ է բնիկ բնակչության իրավունքների վերականգնում՝ հուսալի միջազգային անվտանգության երաշխիքների ներքո»։
Արցախի համայնքների ավելի քան 60 ղեկավարների՝ ՄԱԿ-ի Փախստականների հարցերով բարձրաստիճան պատասխանատուին ուղղված դիմում-նամակում ընդգծվել է հետևյալ առաջնահերթությունների անհրաժեշտությունը. ապահովել մարդասիրական և սոցիալական աջակցություն սոցիալական և բնակարանային ծրագրերին, պարտավորեցնել միջազգային կառույցներին ու ՀՀ իշխանություններին ներկայացնել թափանցիկ հաշվետվություն տրամադրված օժանդակության արդյունավետության վերաբերյալ, ինչպես նաև ճնշում գործադրել Ադրբեջանի վրա՝ դադարեցնելու Արցախում հայկական բնակավայրերի ոչնչացումը և երաշխավորելու անվտանգ ու արժանապատիվ վերադարձ։ Բոլոր բարձրաստիճան պատասխանատուներին հղված նամակներում շեշտվել է անմիջական փոխհամագործակցության նպատակով ճշտել պատասխանատու մարմին կամ ներկայացուցիչ՝ մոտիկից ծանոթանալու համար Արցախի ժողովրդի խնդիրներին և դժվարություններին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
