Հրաչյա Սարուխանի հոգեհանգստի արարողությունը տեղի կունենա ապրիլի 9-ին

Հայ գրականությունը ծանր կորուստ կրեց. կյանքի 69-րդ տարում իր մահկանացուն կնքեց 60-ականների գրական սերնդի տաղանդավոր
ներկայացուցիչներից` բանաստեղծ, թարգմանիչ, ՀՀ մշակույթի վաստակավոր գործիչ Հրաչյա Սարուխանը:

Հրաչյա Սարուխանի թաղման կապակցությամբ ՀՀ մշակույթի նախարարությունում ստեղծվել է հանձնաժողով:

Հրաչյա Սարուխանի հոգեհանգստի արարողությունը տեղի կունենա ապրիլի 9-ին, ժամը 17:00-ին, Վանաձոր քաղաքում (հասցե` Մարգարյան նրբանցք, 13 տուն), վերջին հրաժեշտը` ապրիլի 10-ին, ժամը 11:00–13:00-ն, Վանաձորի Շառլ Ազնավուրի անվան մշակույթի պալատում, հուղարկավորությունը` Մարգահովիտ գյուղի գերեզմանատանը: