Մոջթաբա Խամենեին լիովին առողջ է. Իրանի ԱԳ նախարար

Իրանի գերագույն առաջնորդ Մոջթաբա Խամենեին լավ առողջական վիճակում է և վերահսկում է երկրում տիրող իրավիճակը, հայտարարել է Իրանի արտաքին գործերի նախարար Աբբաս Արաղչին «Ալ Ջազիրա»-ին տված հարցազրույցում։

«Ինչքան ես գիտեմ, նա ստացել է միայն թեթև վնասվածքներ, լիովին առողջ է, և իրավիճակը վերահսկողության տակ է»,- ասել է նա։

Իրանի նախկին գերագույն առաջնորդ Ալի Խամենեին սպանվել է փետրվարի 28-ին ԱՄՆ-ի և Իսրայելի ավիահարվածների ժամանակ, որից հետո նրա որդին՝ Մոջթաբա Խամենեին, ընտրվել է նրա իրավահաջորդ։

Ըստ The Telegraph-ի, նոր առաջնորդը հազիվ է խուսափել մահից այն հարձակման ժամանակ, որի հետևանքով զոհվել են նրա հայրը և այլ հարազատներ՝ հրթիռային հարվածից ընդամենը մի քանի րոպե առաջ շենքից դուրս գալով դեպի այգի։

Մարտի 15-ին ԱՄՆ նախագահ Դոնալդ Թրամփը կասկածներ էր հայտնել Մոջթաբա Խամենեիի ողջ մնալու վերաբերյալ՝ հղում անելով նրա իշխանության գալուց ի վեր հանրային վայրերից բացակայությանը։

Մարտի 12-ին Խամենեին իր առաջին ելույթում դիմել էր ազգին։ Սակայն ելույթի տեքստը կարդացել էր ելույթ ունեցողը, այլ ոչ թե անձամբ Գերագույն առաջնորդը։ Այնուհետև Ռահբարը ցավակցություն էր հայտնել մահացած քաղաքացիների ընտանիքներին և հայտարարել, որ Իրանը վրեժ կլուծի Միացյալ Նահանգներից և Իսրայելից։վ