Վերահաստատվել է գենդերային հավասարության հանձնառությունը և կանանց ու աղջիկների առաջխաղացումը
Մարտի 13-ին Նյու Յորքում անցկացվող ՄԱԿ Կանանց կարգավիճակի հանձնաժողովի 70-րդ նստաշրջանի շրջանակներում Հայաստանի նախաձեռնությամբ տեղի է ունեցել «Կանանց կարգավիճակի հանձնաժողովի հանձնառություններից մինչև COP17. գենդերային հավասարության խթանումը՝ հանուն կենսաբազմազանության պահպանմանն ուղղված գործողությունների» խորագրով հարակից միջոցառումը։
Միջոցառմանը բացման խոսքով հանդես է եկել ՀՀ ԱԳ նախարարի տեղակալ Ռոբերտ Աբիսողոմոնյանը: Իր ելույթում ԱԳ նախարարի տեղակալն ընդգծել է միջոցառման կարևորությունը` հաշվի առնելով, որ միջազգային հանրությունը պատրաստվում է Կունմին-Մոնրեալի կենսաբազմազանության գլոբալ շրջանակի հանձնառությունների առաջին վերանայմանը: Նշել է, որ Կանանց կարգավիճակի հանձնաժողովի աշխատանքների միջոցով էլ վերահաստատվում է հանձնառությունը գենդերային հավասարությանը և բոլոր կանանց ու աղջիկների առաջխաղացմանը:
Մասնակիցներին ներկայացվել է Հայաստանի տեսլականը COP17-ի կազմակերպման գործում՝ հիմնված ներառականության և բոլոր շահագրգիռ կողմերի մասնակցության ապահովման վրա: ԱԳ նախարարի տեղակալն ընդգծել է, որ կենսաբազմազանության կառավարման համակարգը պետք է լիարժեքորեն արտացոլի կանանց, երիտասարդների, բնիկ ժողովուրդների և տեղական համայնքների տեսակետները, գիտելիքն ու առաջնորդությունը:
Ընդգծվել է ՀՀ նախագահության նպատակն` ուղղված Համաժողովի` որպես գլոբալ հանձնառությունները շոշափելի ու չափելի գործողությունների վերածելու հարթակի ձևավորմանը:
ԱԳ նախարարի տեղակալն իր խոսքում կարևորել է կանանց առանցքային դերը էկոհամակարգերի պահպանման, բնական պաշարների կայուն կառավարման և էկոլոգիական գիտելիքների փոխանցման գործում՝ շեշտելով, որ հաճախ հենց կանայք են կանգնած կենսաբազմազանության պաշտպանության, կայուն գյուղատնտեսության ներդրման, անտառների ու ջրային ռեսուրսների պահպանության և համայնքների դիմակայունության ապահովման համար իրականացվող աշխատանքների առաջնագծում:
Այս համատեքստում ընդգծվել է բնապահպանության, զարգացման և գենդերային հավասարության օրակարգերի առավել ներդաշնակ քաղաքականության մշակման և իրականացման կարևորությունն առկա մարտահրավերների հաղթահարման համար:
Միջոցառումը կազմակերպվել է ՄԱԿ-ում ՀՀ մշտական ներկայացուցչության կողմից՝ ՄԱԿ-ում Միացյալ Թագավորության և Ֆիլիպինների մշտական ներկայացուցչությունների, ՄԱԶԾ (UNDP), ՄԱԿ Կանայք (UN Women) և ՄԱԿ-ի Բնակչության հիմնադրամի (UNFPA) համակազմակերպմամբ։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
