«Ծավալուն աշխատանքներ են տարվել կանաչապատման ոլորտում». Երևանի քաղաքապետարան
Երևանի քաղաքապետարանից մանրամասներ են հայտնում այսօր գումարված ավագանու նիստի մասին. «Մարտի 12-ին գումարված նիստում Երևանի ավագանին քննարկեց ու հաստատեց 2025թ. բյուջեի կատարման հաշվետվությունը: Նախորդ տարի բյուջեի սեփական եկամուտները կատարվել են 109 տոկոսով, ծախսերի կատարողականը 90 տոկոս է: 2025-ին Երևանում փոխարինվել է 500 վերելակ, հիմնանորոգվել են տասնյակ մանկապարտեզների բակեր, մի քանի ամսվա ընթացքում Նուբարաշենի աղբավայրը բերվել է կառավարելի տեսքի, իրականացվել են շուրջ 260000 քմ միջին նորոգման աշխատանքներ, 308 հասցեներում կառուցվել են 551 թեքահարթակներ, ձեռք են բերվել 12 հատուկ նշանակության բազմաֆունկցիոնալ փոշեկուլ մեքենաներ, 15 աղբատար մեքենաներ և շուրջ 2000 կենցաղային թափոնների պոլիէթիլենային կոնտեյներներ:
Ծավալուն աշխատանքներ են տարվել նաև կանաչապատման ոլորտում. կանաչ տարածքներն ընդլայնվել են 14.1 հա-ով, արդիականացվել և վերականգնվել է 34,873 գծմ ոռոգման ջրագիծ, փոխարինվել և տնկվել է 5044 նոր ծառ, 35186 թուփ և 328405 ծաղիկ, ձեռք է բերվել 3 ավտոաշտարակ և ծառերի կենսունակությունը ստուգող գերժամանակակից սարք:
2025-ին կյանքի կոչված կարևոր ծրագրերից են նաև 22 հասցեներում իրականացված ջրահեռացման համակարգերի արդիականացման՝ նորերի կառուցման ու վերակառուցման աշխատանքները: Մուշական թաղամասում կոյուղագծի վերակառուցման աշխատանքները կավարտվեն այս տարի: Երևանյան 113 բակերում իրականացվել են հիմնանորոգման ու վերակառուցման աշխատանքներ, կառուցվել են ֆուտբոլի նոր խաղադաշտեր:
Ավագանու մեկ այլ որոշմամբ մայիսի 1-ից Երևանի համայնքային մանկապարտեզների աշխատողների աշխատավարձերը կբարձրանան 15–20 տոկոսով։
Կենտրոն վարչական շրջանով անցնող Հրազդանի կիրճ փողոցը (սկսվում է Աթենքի փողոցից` Հրազդան մարզադաշտի հարևանությամբ, հասնում Հալաբյան փողոց) այսուհետ կկրի լեգենդար խորհրդային ֆուտբոլիստ և մարզիչ, օլիմպիական չեմպիոն, «Արարատ-73»-ի գլխավոր մարզիչ Նիկիտա Սիմոնյանի անունը: Ավագանին հավանություն տվեց որոշման նախագծին:
Աջափնյակ վարչական շրջանի Սիլիկյան 8-րդ փողոցն էլ (սկսվում է Սիլիկյան 2-րդ փողոցից, հասնում Սիլիկյան 7-րդ փողոց) այսուհետ կկրի հայ կոմպոզիտոր, քանոնահար, ՀԽՍՀ ժողովրդական արտիստ Խաչատուր Ավետիսյանի անունը:
Երևանի Միսաք Մանուշյանի անվան պուրակում կտեղադրվի հայ բանաստեղծի ու ֆրանսիական դիմադրության շարժման մարտիկի կիսանդրին:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
