Կիմ Չեն Ընը Հյուսիսային Կորեայի միջուկային ուժերի հրամանատարությունը վստահել է իր 13-ամյա դստերը

Հյուսիսային Կորեայի առաջնորդ Կիմ Չեն Ընը իր 13-ամյա դստերը նշանակել է երկրի հրթիռային ծրագրերի ղեկավար:

Այս մասին հայտնել է հարավկորեական The Chosun Daily հրատարակությունը՝ հղում անելով հետախուզական տվյալներին ծանոթ կառավարական աղբյուրներին։

Հրապարակման աղբյուրների համաձայն՝ Կիմ Չեն Ընի դուստրը՝ Կիմ Ջու-էեն, կատարում է հրթիռային ստորաբաժանման գլխավոր տնօրենի պարտականությունները։ Չնայած Չան-հան պաշտոնապես զբաղեցնում է այս պաշտոնը, հենց առաջնորդի դուստրն է ստանում գեներալներից զեկույցներ և նույնիսկ հրամաններ տալիս։ Հետախուզությունը նաև արձանագրել է, թե ինչպես է նա կարծիքներ արտահայտում որոշակի քաղաքական հարցերի վերաբերյալ Փհենյանում ընթացող Աշխատավորական կուսակցության 9-րդ համագումարի ժամանակ։

Հյուսիսային Կորեայի առաջնորդի դուստրը պաշտոնապես հանրությանը ներկայացվել է 2022 թվականի նոյեմբերին, երբ նա հոր հետ մասնակցել է Hwasong-17 միջմայրցամաքային բալիստիկ հրթիռի արձակմանը, ըստ The Chosun Daily-ի։ Նրա անունը չի հրապարակվել։