Վերընտրվելու դեպքում կշարունակեմ կիսատ թողած աշխատանքերս. Թալինի քաղաքապետ (տեսանյութ)

Արագածոտնի մարզի Թալին քաղաքը 7000 բնակիչ ունի, որոնց համար այսօր զբաղվածության և ոռոգման ջրի խնդիրներն առաջնային են:

Խորհրդային տարիներին գործող քաղաքի գործարանների հետ թալինցիները վաղուց արդեն հույսեր չեն կապում և նրանց եկամտի աղբյուրն այսօր անասնապահությունն ու հողագործությունն է: Սակայն դա էլ իրեն չի արդարացնում, քանի որ շուրջ 1300 հեկտար վարելահողից միայն 20 տոկոսն է մշակվում:

Խմելու ջրի հետ կապված՝ պատկերը այլ է: Նորոգվել է քաղաքի ջրամատակարարման ներքին ցանցը, որի արդյունքում նախատեսվում է մինչև 12-ժամյա ջրամատակարարում ապահովել: Քաղաքի բարեկարգման հետ կապված դարձյալ առաջընթաց կա: Թալինի սրտում գտնվող փոքրիկ զբոսայգին, դեռ մի քանի տարի առաջ աղբանոցի էր հիշեցնում: Միայն վերջերս այն վերածվեց գեղեցիկ պուրակի ու սկսեց ծառայել թալինցիներին որպես ժամանցի վայր, ինչը նախորդ քաղաքապետերին չէր հաջողվել:

Թալինցիները խոստովանում են, որ վերջին 4 տարվա ընթացքում բարեփոխումներ են եղել: Լուծվել է քաղաքի լուսավորության հարցը, ասֆալտապատվել են փողոցներ, նորոգվել են որոշ շենքերի տանիքներ ու վերջապես ավարտին է հասցվել քաղաքաի գազաֆիկացումը: Ինչի շնոհիվ կապույտ վառելիքը վերջնականապես մուտք է գործել բոլորի տները:

Բացի այդ հիմնանորոգվել են դպրոցներ ու մանկապարտեզներ: Մանկական գեղարվեստի դպրոցը ևս նորոգվել ու ջեռուցվել է: Այստեղ լուծված է նաև գույքի ձեռքբերման խնդիրը: ինչի շնոհիվ գեղարվեստի ֆդպրոցի սաների թիվն ավելացել է: Այստեղ հիմք էդրվել նաև գորգագործության դասընթացներինմ:

Քաղաքապետ Սարգիս Ասարմյանը վստահեցնում է, որ Գեղարվեստի դպրոցի օրինիակով կվերանորգվի նաև երաժշտական դպրոցը:

Խնդիրները բազմաթիվ են, ծրագրերը՝ նույնպես, ասում է Սարգիս Արամյանը՝ հավելելով, որ վերընտրվելու դեպքում կշարունակի կիսատ թողած աշխատանքերը:

Մանրամասները՝ տեսանյութում