Ձմեռային Օլիմպիական խաղեր․ Հարություն Հարությունյանի արդյունքը
Իտալական Միլան և Կորտինա դ’Ամպեցո քաղաքներում ընթացող 25-րդ ձմեռային Օլիմպիական խաղերում Հայաստանի լեռնադահուկային սպորտի ներկայացուցիչ Հարություն Հարությունյանն ավարտեց իր մրցելույթները։
Հայ մարզիկի վերջին մեկնարկը ոլորավայրէջք (slalom) մրցաձևում էր, որտեղ, ցավոք, նրան չհաջողվեց տեղ զբաղեցնել ամփոփիչ արձանագրությունում։ Առաջին վայրէջքից հետո Հարությունյանը ցույց էր տվել 1:10.12 ժամանակ և ընթանում էր 37-րդ հորիզոնականում։ Սակայն վճռորոշ՝ երկրորդ փորձի ժամանակ նա խախտում թույլ տվեց մրցուղում, ինչի պատճառով որակազրկվեց և դուրս մնաց պայքարից։
Մրցումային օրը բավականին բարդ ստացվեց նաև համաշխարհային աստղերի համար․ 57 լեռնադահուկորդ չկարողացավ հատել եզրագիծը կամ որակազրկվեց։ Նրանց թվում էին հսկա ոլորավայրէջքի օլիմպիական չեմպիոն, բրազիլացի Լուկաս Պինեյրո Բրոտենը և առաջին փորձի առաջատար, նորվեգացի Ատլե Լի Մաքգարտը։ Արդյունքում հաշվարկային տեղ գրավեց ընդամենը 39 մարզիկ։
Օլիմպիական չեմպիոնի կոչումը նվաճեց շվեյցարացի Լոիկ Մեյարը։ Պատվո հարթակի երկրորդ աստիճանին կանգնեց ավստրիացի Ֆաբիո Գշտրայնը, իսկ լավագույն եռյակը եզրափակեց նորվեգացի Հենրիկ Կրիստոֆերսենը։
Հիշեցնենք, որ ավելի վաղ՝ փետրվարի 14-ին, Հարություն Հարությունյանը հանդես էր եկել նաև հսկա ոլորավայրէջքում, որտեղ 81 մասնակիցների պայքարում գրավել էր 59-րդ տեղը։ Այսպիսով, դահուկորդներ Կատյա Գալստյանից և Միքայել Միքայելյանից հետո նա ևս ավարտեց օլիմպիական պայքարը։
Ձմեռային խաղերում Հայաստանը դեռևս ներկայացուցիչներ ունի․ գեղասահորդներ Կարինա Ակոպովա – Նիկիտա Ռախմանին զույգը այսօր՝ փետրվարի 16-ին հանդես կգա ազատ ծրագրով։ Կարճ ծրագրի արդյունքներով նրանք ընթանում են 12-րդ տեղում։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
Կարծես 30.000 մարդու սրտի զարկի ձայնն էլ լսեի ու զգայի... Ես ու Դուք, ու թող փորձեն. Սիրուշո
Երևան հասնելու համար պետք է տրանսպորտի համար վճարեն 2 անգամ. ինչ է սպասվում մարզերի բնակիչներին
Ադրբեջանի կողմից Շուշիի Ղազանչեցոց եկեղեցու պատմության խեղաթյուրումից հետո այժմ գործ ունենք դրա տեսա...
