Ձևական ելույթներով Չընդդիմությունը փորձում է ստեղծել բուռն գործունեության իմիտացիա... հանգիստ թողեք ժողովրդին. Լիլիթ Կուջոյան
Բժշկական գիտությունների թեկնածու, առողջապահության կազմակերպիչ, «Առողջություն և առողջապահություն» ՀԿ նախագահ Լիլիթ Կուջոյանը գրում է.
«Կառավարման հիմնական դերակատարներին ընտրեցին անփորձ ու հետագիծ չունեցողների շարքերից, ինչով պետությունը դարձավ փորձադաշտ, դրանից բխող բոլոր աղետներով։
Ինչ ստացվեց- խաբեցին ժողովրդին.
Իհարկե ` այո։
2021-ին էլ Չընդդիմությունն «արժանացավ» բազում մարդկանց քվեներին իշխանափոխության հասնելու համար։
Բայց 5-րդ տարին է, ինչ պատգամավորները շատ հարմարավետ ճեմում են ԱԺ դահլիճում, ոմանք էլ` անընդհատ բացակա են։
Այս ոչնչաբանության դիմաց վայելում են ցոփուշվայթ կյանքի բոլոր բաղադրիչները։
Զուգահեռաբար ձևական ելույթներով Չընդդիմությունը փորձում է ստեղծել բուռն գործունեության իմիտացիա։
Ինչ ստացվեց- խաբեցին ժողովրդին.
Իհարկե ` այո։
Դե եթե երկրի ներկայիս ղեկավարը այդքան հզոր տղայա, որ չեք կարողանում հեռացնել, է թող մնա, դուք էլ ձևեր մի թափեք, պետական ու սեփական գումարները մի վատնեք:
Մեր Հայրենիքի չզարգացման պատճառներից մեկը միշտ էլ եղել է, իսկ այսօր` առավելապես, այն, որ նորահայտ ու չապականված անհատների մուտքը խստիվ սահմանափակված է դեպի կառավարման դաշտ (համենայն դեպս առանց հովանավորչության), ինչի արդյունքում, ցավոք, քաղաքականությունը քաղաքացիների կողմից նույնականացվում է ստախոսության, կոռուպցիայի և այլ վատթարագույն երևույթների հետ։
Ժողովուրդը իր բոլոր զգայարաններով միշտ էլ ատել է իրեն խաբողին ու նվաստացնողին։
Ու եթե այս տարի էլ նախորդող բոլոր տարիների ձևերով, կառուցվածքով, տյունինգված ու երեսփոխված դեմքերով` նույնատիպ ելույթներով, նույնաբովանդակ խոստումներով, քաղաքական ուժերը մտնեն ընտրական փուլ, ապա ոչ մի լուսավոր հեռանկար ես չեմ տեսնում։
«Նախկինները» ասում են մեզնից լավը չկար, սրանք եկել են քանդեն, հետն էլ ոչ մի էական քայլ քանդողներին հեռացնելու համար չեն անում։
«Ներկաներն» էլ, թե բա այնքան էր կոռումպացված, որ խելքի չենք հասցնում բերել։ Բայց կներեք, եթե 8
տարին բավարար չէ փոքր պետությունը կառավարման ճիշտ ուղու վրա բերել, ուրեմն դուք ձեր տեղում չեք, հատկապես որ լավ էլ որդեգրել եք բոլոր արատավոր ձևերը, նույնիսկ կատարելագործել:
Եթե քաղաքական ուժը մտնում է պայքարի մեջ «անցողիկ մանդատների» համար, ուրեմն ոչ մի կառուցողական քայլ չի իրականացնելու։
Ժողովուրդն էլ նայում էր սրանց բոլորին ու ...
և մտածում, և ասում- «Սրանք բոլորը նույն են, իրար հետ են», ուստի և չի հավատում, հետևաբար ոչ ընտրության է գնում, ոչ այլ կերպ է ցանկանում ընդվզել տարատեսակ անարդարությունների դեմ...
Քաղաքականությունը խաբեության ու շորթման մասին չէ։
Այն պետականաշինության ու մարդակենտրոնության մասին է, երբ պետական այրը ստեղծում է բարեկեցիկ պայմաններ ժողովրդի համար, առողջ ու հարմարավետ արարելու հիմքեր է տրամադրում։
Այնպես որ, հարգելի և ոչ հարգելի «քաղաքական գործիչներ», հանգիստ թողեք ժողովրդին, վաստակի այլ միջոց գտեք։
Տեսնես կգա այն օրը, որ արհեստավարժ ու հայրենասեր մարդիկ ղեկավարեն Հայաստանը, ու ոչ ոք չցանկանա արտագաղթել:
Ի տարբերություն ձերդ գերազանցություն «դեմքերի», ոչինչից ոչինչ չհասկացող, մշտապես առանց հովանավորչության ապրող, ընդամենը բժիշկ-քաղաքացու մտքեր...»:
Բայց ես չէի նկատել. Սամվել Կարապետյանի ոտքի սարքը անջատվել է․ ի՞նչ է կատարվել տնային կալանքի ժամանակ...
Իմ անձնական կարծիքն է՝ մանդատները պետք չէ վերցնել. Արփինե Հովհաննիսյան (տեսանյութ)
Մանդատ վերցնելը ոչ թե կլինի ռացիոնալ որոշում, այլ ստորություն՝ ընդդիմությանը հավատացած ժողովրդի հանդ...
Նույն մահացու ինքնավստահությունը․․․
Երբ օդանավակայանում Ծառուկյանին ասել են, որ ինչ-որ բան պետք է ճշտեն՝ Ծառուկյանը պատասխանել է, որ որև...
Ի՞նչ է սպասվում Հայաստանին մինչև տարեվերջ. Նաիրի Հոխիկյան
Նախկին քպական Հովիկ Աղազարյանը զբաղված է, մեղմ ասած, անպարկեշտ բամբասանքով. Տոնոյան
Ես պայքարի ցանկացած սցենարի պատրաստ եմ. Մամիկոն Ասլանյան (տեսանյութ)
ՀՀ–ն և Ադրբեջանը դեռ չեն ավարտել Ներքին Ոսկեպար գյուղի մոտ սահմանային ցանկապատի կառուցումը (լուսանկա...
Վանդալիզմ Գյումրիում․ անհայտ անձինք «Մայր Հայաստան» հուշահամալիրի ոսկեգույն տառերը պոկել, նետել են ա...
