Ալիևը արագացրեց Արցախի ինքնորոշման ճանաչումը

Ապրիլի 1-ի, լույս երկուսի գիշերը ղարաբաղա-ադրբեջձանական շփման գիծը թեժացավ: Եվ դա տեղի ունեցավ այն ժամանակ, երբ Ալիևը և Սարգսյանը ԱՄՆ-ում մասնակցում էին այդ երկրի նախագահի ձեռնարկած ատոմային անվտանգության գագաթնաժողովին:

Ալիևը, չունենալով այլ թեմա, նորից անդրադարձավ Հայաստանին: Այս անգամ նրա թեման Հայաստանում գործող ատոմակայանն էր ու նրա, իբր թե, վտանգավոր լինելը: Ադրբեջանը ևս մեկ անգամ ապացուցեց, որ համարվում է ոչ թե նորմալ քաղաքակիրթ երկիր, այլ ուղղակի զավեշտասերների հավաքատեղի, և խոսքը վերաբերվում է այս երկրի իշխանությանը:

Իսկ սահմանային լարվածությունը  սկսվեց այն ժամանակ, երբ Ալիևը հասկացավ, որ միջազգայնորեն հերթական անգամ ձախողվել է: Ի սկզբանե նպատակը արագ մարտերի միջոցով ԼՂՀ պաշտպանության բանակի թիկունք անցնելն էր, սակայն դա ևս  չհաջողվեց:

Միջազգային հանրությունը ակտիվորեն արձագանքեց, մի մասը խոսում էր Ադրբեջանի ակնհայտ ագրեսիայի մասին, իսկ մյուս մասը նորից խոսեց հավասարության նշան դնելով:

Նմանատիպ հայտարարությունները անարդյունավետ են, և միայն ջուր են լցնոււմ Ադրբեջանի ջրաղացին: Անհրաժեշտ է հստակ որակում տալ նման հայտարարություններին, որակելով դրանք որպես միջազգային հանցագործության խթանոմ, քանի որ Ադրեջանն ի սկզբանե թիրախավորել է խաղաղ բանակավայրերը, և ակտիվորեն շարունակել է դրանց հրթիռակոծումը:

Չի բացառվում, որ սեփական զինվորների կյանքի գնով Ադրբեջանն ուղակի պատվեր է կատարում: Պատվիրատուն կարող է լինել Թուրքիան, իսկ նպատակը թուրք-ադրբեջանական խնդիրներից միջազգային հանրության ուշադրության շեղումն է:

Սակայն Ադրբեջանն ուղակի չէր հաշվարկել մի բան, որ այսպիսի գործողություններով միջազգային հանրության ուշադրությունը կբեկվի երկու մասի` Թուրքիա-Ադրբեջան և ԼՂՀ ինքնորոշման սկզբունք, քանի որ նմանատիպ ագրեսիայի պոռթկումից հետո`կարող է արագանալ ԼՂՀ միջազգայնորեն ճանաչման հարցը : Դա կարող է կործանարար լինել կամակատար Ալիևը վարչակարգի համար :
Իսկ այսօր Վիենայում կայանալիք գագաթաժողովը կարող է Ալիևի համար դառնալ վերջինը, որպես Ադրբեջանի նախագահ :

Եթե գագաթաժողովն անարդյունավետ լինի, ուրեմն հակառակորդին զսպելու մեկ տարբերակ կա, այն է` կործանարար հարվածներ հասցնելով` անցնել Ադրբեջանական ագրեսոր բանակի թիկունք :