1 տարում 6 գույք է հայտարարագրել տեսչական մարմնի ղեկավար Հովհաննես Մարտիրոսյանը. «Ժողովուրդ»
«Ժողովուրդ» օրաթերթը գրում է. «ՀՀ ամենակարևոր տեսչական մարմնի ղեկավարի աշխատանքային ակտիվությունը նկատելի չէ, բայց վերջին տարիներին դիզած հարստությունը՝ ակնբախ։
Գրեթե 20 տարի ՀՀ իրավապահ համակարգում աշխատելուց հետո ՀՀ կառավարությանն ենթակա Բնապահպանության և ընդերքի տեսչական մարմնի ղեկավար Հովհաննես Մարտիրոսյանը 2020 թվականին նշանակվեց ՀՀ շրջակա միջավայրի նախարարի խորհրդական, ապա դարձավ Տեսչության պետ։
Համաձայն 2024 թվականի տարեկան հայտարարագրի՝ Հովհաննես Մարտիրոսյանը միայն 2021 թվականին գնել է 6 անշարժ գույք Երևանում՝ 2 անհատական բնակելի տուն, 1 հողամաս, 2 հողին ամրակայված այլ անշարժ գույք, 1 ավտոտնակ։
Հետ գնալով 2023 թվականի հայտարարագրին՝ «Ժողովուրդ» օրաթերթը նկատեց, որ Մարտիրոսյանն այս գույքերը 2023 թվականին չի հայտարարագրել, ինչը կոպիտ և պատժելի օրինախախտում է։ Որպես անշարժ գույք՝ նա հայտարարագրել է միայն 1 անհատական բնակելի տուն։ Հետաքրքիր է՝ այդ ինչպես է ստացվել, որ նախկինում չհայտարարագրված 5 գույքը անակնկալ հայտնվել են 2024 թվականի հայտարարագրում։
Հետաքրքիրն այն է, որ անգամ 2021 թվականի հայտարարագրի համաձայն՝ Մարտիրոսյանը 6 գույք չի ունեցել։
Մարտիրոսյանը 2020 թվականից ի վեր հայտարարագրել է MERCEDES-BENZ մակնիշի մեքենա։
Բանկային հաշիվների մնացորդները նվազել են՝ գրեթե 400 հազար դրամով՝ 1 մլն 520 հազար դրամից դառնալով 1 մլն 123 հազար դրամ։
«Ժողովուրդ» օրաթերթը տեղեկացավ, որ Հովհաննես Մարտիրոսյանի հաշվետու տարվա եկամուտները կազմել են 15 մլն 862 հազար դրամ, որից 14 մլն 668 հազար դրամը աշխատանքի վարձատրություն է Բնապահպանության և ընդերքի տեսչական մարմնից։
Բացի այս եկամուտից՝ 20 տարի աշխատելով իրավապահ համակարգում՝ Մարտիրոսյանը տարեկան 1 մլն 194 հազար դրամ կենսաթոշակ է նաև ստանում։
Ինչ վերաբերում է ստացված վարկերի և փոխառությունների մայր գումարի մնացորդին, ապա հաշվետու տարվա դեկտեմբերի 31-ի դրությամբ այն կազմել է 7 մլն 176 հազար դրամ։ Այսինքն՝ այդքան մեծ թվով անշարժ գույք գնած պետական պաշտոնյան հիփոթեքային վարկ չի վերցրել։
Թերևս Կոռուպցիայի կանխարգելման հանձնաժողովը պետք է զբաղվի՝ պարզելու, թե ողջ կյանքը պետական համակարգում աշխատած նախկին ոստիկանը՝ Մարտիրոսյանը, ինչպես է 1 տարում 6 գույքի տեր դարձել»։
Մանրամասները՝ «Ժողովուրդ» օրաթերթի այսօրվա համարում:
30-ամյա կինը հայտնել է, որ սեռական բռնության է ենթարկվել հյուրանոցում, ավտոմեքենայում ու նաև խոտերի ...
«Մարտական ընկերներ էինք կորցրել ու իմացանք, որ տարածքներ են հանձնում». ինչո՞ւ Արմեն Ղարիբյանը քաշեց ...
Քաղաքական մեսի՞ջ․ այսօր՝ սրտիկներ ադրբեջանական երգի ներքո, վաղը՝ պար ադրբեջանական դուդուկի տակ
«Եթե չդիմադրեի, ողջ չէինք մնա». Անի Ավետիսյանը մանրամասներ է պատմում Շաքիի միջադեպից
Պետք է խոստովանեմ, որ իրականում իմ արարքի համար զղջացել եմ. պետք է իջեցնեմ այլ «հրահանգ». Արթուր Դան...
Տեսանյութն ակնհայտորեն հաստատում է, որ Իրանի քաղաքացիները Ծառուկյանից առնվազն 14․5 միլիոն դոլար են հ...
«Սաղիդ դոսյեները սեղանիս է, ինձ հունից չհանեք». Մխոն տեղը չի գտնում. «Իրավունք»
Մեղրիի մոտ գիշերվանից ԱԹՍ-ներով փնտրում են երեք ենթադրյալ шդրբեջшնցիների
Պատերազմում վիրավորված, այսօր՝ ծանր հիվանդության դեմ պայքարում․ Մեխակ Սմբատյանին օգնություն է անհրաժ...
Դшնшկшհարnւթյուն՝ Երևանի կենտրոնում. տաք հետքերով 7 անձ ձերբակալվել է
