Վահե Հովհաննիսյանը Շվեյցարիայի դեսպանին է ներկայացրել Հայաստանի մակրոտնտեսական իրավիճակը
ՀՀ ֆինանսների նախարար Վահե Հովհաննիսյանն ընդունել է Հայաստանի Հանրապետությունում Շվեյցարիայի Համադաշնության նորանշանակ արտակարգ և լիազոր դեսպան Անդրեա Բարբարա Բաումանին: Այս մասին տեղեկացնում են ՀՀ ֆինանսների նախարարությունից:
Նախարար Հովհաննիսյանը շնորհավորել է նորանշանակ դեսպանին պաշտոնը ստանձնելու կապակցությամբ և ընդգծել Հայաստան-Շվեյցարիա երկկողմ հարաբերությունների զարգացման մեծ ներուժը:
Հանդիպման ընթացքում կողմերը քննարկել են համագործակցության օրակարգային հարցերը՝ անդրադառնալով մասնակցային բյուջետավորման գործընթացի ընդլայնմանը, ինչպես նաև զարգացման նոր ծրագրերը ՀՀ Կառավարության առաջնահերթություններին համապատասխանեցնելու անհրաժեշտությանը: Շվեյցարիայի դեսպանն իր հերթին ընդգծել է բարձր մակարդակի փոխայցելությունների և քաղաքական խորհրդակցությունների շարունակականությունը՝ միաժամանակ կարևորելով Հայաստանի դերը՝ որպես 2026 թվականի մայիսին կայանալիք Եվրոպական քաղաքական համայնքի 8-րդ գագաթնաժողովը և հոկտեմբերին նախատեսված Կենսաբազմազանության մասին կոնվենցիայի կողմերի 17-րդ համաժողովը (COP17) հյուրընկալող երկիր։ Այս համատեքստում շվեյցարական կողմը վերահաստատել է իր հանձնառությունը՝ շարունակելու և ընդլայնելու համագործակցությունը 2026-2029 թվականների տարածաշրջանային համագործակցության նոր շրջանակի ներքո։
Նախարար Հովհաննիսյանը ներկայացրել է նաև Հայաստանի մակրոտնտեսական իրավիճակը, հարկաբյուջետային քաղաքականության հիմնական ուղղությունները, ոլորտում արձանագրված վերջին զարգացումները և առաջիկա կանխատեսումները։
Հանդիպման ավարտին կողմերը վերահաստատել են համագործակցությունը շարունակելու պատրաստակամությունն՝ ընդգծելով փոխադարձ հետաքրքրություն ներկայացնող ուղղություններով երկկողմ գործընկերության հետագա ընդլայնման հնարավորությունները։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
