Թուրքիայի աջակցությունը արտերկրում իրականացվող հալածանքներին պետք է դադարեցվի. ՀՅԴ
2026 թվականի հունվարի սկզբին սիրիական ուժերը՝ Թուրքիայի և ջիհադիստական խմբավորումների աջակցությամբ, պաշարեցին Հյուսիսային Սիրիայի քրդական թաղամասերը՝ կտրելով սննդի, ջրի և դեղորայքի մատակարարումները, ինչպես նաև իրականացնելով խաղաղ բնակչության և տեղական ինքնապաշտպանական ուժերի նկատմամբ մահապատիժներ։ Պաշարումն ավարտվեց Շեյխ Մաքսուդ և Աշրաֆիե քաղաքային թաղամասերից ավելի քան 250000 քրդերի էթնիկ զտմամբ, որոնք ստիպված էին փախչել ծանր հրետակոծությունների և անօդաչու թռչող սարքերի հարձակումների պայմաններում։ Այս մասին հայտարարություն է տարածել Հայ դատի Ավստրալիայի հանձնախումբը։
Հայտարարությունում, մասնավորապես, ասվում է. «Այսօր Քոբանին, այն քաղաքը, որը 2014 թվականին դարձավ «Իսլամական պետության» դեմ դիմադրության խորհրդանիշ, կանգնած է նոր պաշարման առաջ։ Սիրիական ուժերը՝ Թուրքիայի կառավարության աջակցությամբ, Հյուսիսային սահմանին տեղակայել են աճող թվով տանկեր և ծանր հրետանի՝ ցամաքային ներխուժման սպառնալով, որը կհանգեցնի քրդական բնակչության պատմական հայրենիքի էթնիկ զտմանը։
Սա ևս մեկ դրսևորում է Թուրքիայի կողմից այնպիսի պետությունների աջակցության, որոնք ճնշում և հալածում են բնիկ փոքրամասնություններին, այդպիսի ցցուն օրինակ է 2023 թվականին արցախահայության էթնիկ զտումը։ Թուրքիան պետք է անհապաղ դադարեցնի արտասահմանում փոքրամասնությունների կոտորածաներին և էթնիկ զտմանն իր աջակցությունն ու ֆինանսավորումը, իսկ միջազգային հանրությունը պարտավոր է քայլեր ձեռնարկել նման ագրեսիվ արտաքին քաղաքականությունը կանխելու համար։
Հայ դատի Ավստրալիայի հանձնախումբը վերահաստատում է իր անսասան աջակցությունը բոլոր ժողովուրդների ինքնորոշման և ինքնիշխանության իրավունքին, այդ թվում՝ քրդական ժողովրդի։
Ավստրալահայ համայնքը համերաշխ է «Ավստրալիայի ժողովրդավարական քրդական կազմակերպությունների Ֆեդերացիայի հետ և Ավստրալիայի կառավարությանը կոչ է անում դատապարտել քրդերի դեմ ուղղված բոլոր ռազմական գործողությունները, պահանջել թուրքական ուժերի և նրանց հովանավորյալների անհապաղ դուրսբերումը Սիրիայի սահմանից և մարդասիրական օգնություն տրամադրել հակամարտության հետևանքով տեղահանվածներին։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
