Էրդողանն իր աջակցությունն է հայտնել Իրանին

«Թուրքիան կարծում է, որ Իրանը կհաղթահարի այս վտանգավոր ժամանակաշրջանը», - հայտարարել է Թուրքիայի նախագահ Ռեջեփ Թայիփ Էրդողանը՝ մեկնաբանելով երկրում տեղի ունեցող զանգվածային բողոքի ցույցերը։

«Մեր հարևան Իրանը Իսրայելի հարձակումներից հետո նոր մարտահրավերի առջև է կանգնած, որը սպառնում է նրա սոցիալական խաղաղությանը և կայունությանը: Մենք բոլորս ուշադիր հետևում ենք փողոցներում տեղի ունեցող իրադարձություններին: Մենք հավատում ենք, որ երկխոսությանը և դիվանագիտությանը, որ դրա միջոցով մեր իրանցի եղբայրներն ու քույրերը, Աստծո օգնությամբ, կհաղթահարեն այս վտանգավոր շրջանը», - ասել է Էրդողանը։

Խոսելով Սիրիայում կառավարական ուժերի և քուրդ զինյալների միջև ընթացող մարտերի մասին՝ Թուրքիայի առաջնորդը շեշտել է երկրի տարածքային ամբողջականության կարևորությունը. «Մենք հավատում ենք, որ միասնական Սիրիան, պահպանելով իր տարածքային ամբողջականությունը, կարևոր է մեր ամբողջ տարածաշրջանի բարգավաճման համար: Հիշե՛ք, Սիրիան պատկանում է սիրիացիներին. այն պատկանում է բոլորին՝ անկախ նրանից, թե նրանք արաբներ են, թուրքմեններ, քրդեր, ալավիներ, սուննիներ, թե դրուզներ: Մեկ պետություն, մեկ բանակ սկզբունքը երկրի կայունության նախապայման է: Թուրքիան լիովին աջակցում է այս սկզբունքի հաստատմանն ու ամրապնդմանը ուղղված յուրաքանչյուր քայլին»,-նշել է Էրդողանը: