Եթե կառավարությունը այս տարի չներդներ ապահովագրությունը, ապա չէր ստանա 110 մլն դոլարի վարկը. Գրիգորյան

Ուրոլոգ, անդրոլոգ Գևորգ Գրիգորյանը ֆեյսբուքյան իր էջում գրել է․

 

«2026 թվականին առողջության ապահովագրության անավարտ և անպատրաստ համակարգի շուտափույթ ներդրումը պայմանավորված է ոչ միայն ընտրություններին ձայն հավաքելու միտումով, այլ նաև պարտավորվածությամբ, որովհետև այդ համակարգի մշակման և ներդրման համար Համաշխարհային Բանկը 2024 թվականի հունիսի 28-ին հաստատել է ՀՀ կառավարության 2021-2026 թվականների հնգամյա միջոցառման ծրագրին օժանդակելու՝ 110 մլն դոլար վարկ, որը պետք է տրամադրվի արձանագրած արդյունքի համար, այլ ոչ թե նախապես...

 

Եթե կառավարությունը այս տարի չներդներ ապահովագրությունը, ապա չէր ստանա այդ վարկը, որը հետագայում վճարվելու և սպասարկվելու է մեր գրպաններից՝ հարկային բեռի ավելացման արդյունքում...

 

Այսպիսով, խորհուրդ չեմ տա սին հույսեր ունենաք, որ հավերժ ձեր ապահովագրավճարը փոխանցվելու է զինապահների հիմնադրամից... 2026 ընտրություններից (առավելագույնը 2027 թվականի հունվարից) դուք ինքներդ եք սկսելու այդ 10.800 դրամը վճարել...

 

Բոլորին մաղթում եմ համբերություն և շատ սեր, որովհետև միայն պետությունը սիրելով է հնարավոր սխրանք գործել և փոխել իրականությունը:

 

Հ.Գ. 110 մլն դոլարն էլ քիչ փող չի նախընտրական ծախսերի համար...»