Հայ ազգի հեղինակության արժեզրկման հարցը սուր մտահոգություն է առաջացնում.ՀՀ պահեստազորի զինծառայողների նախաձեռնությունը իր աջակցությունն է հայտնում Հայ Առաքելական Եկեղեցուն

Այս համատեքստում Հայ Առաքելական Եկեղեցու նկատմամբ իրականացվող հետապնդումները հատկապես էական ազդեցություն են ունեցել այդ գործընթացի վրա։

 

Վերջին զարգացումները ցույց են տալիս, որ Հայ Առաքելական Եկեղեցու ներսում առկա են լուրջ ներքին խնդիրներ։ Այդ մասին վկայում է որոշ սրբազանների, քահանաների և դպիրների կողմից դրսևորվող վարքագիծը, որը անհամապատասխան է եկեղեցու արժեհամակարգին, ինչպես նաև նրանց շուրջ ձևավորված կասկածելի քրեական կամ բարոյական համբավը և արձանագրված փաստերը, որոնք շեղվում են բարոյական նորմերից։

 

Վառ ապացույցներից մեկը այն է, որ նշված անձանցից մեկը Հայաստանի ողջ տարածքում, ըստ էության, կրում է եզակի անուն որպես Աստծո պատիժ, ինչը փաստում է կուսակրոնության ուխտի խախտման մասին։

 

Ցավոք, արձանագրվել են դեպքեր, երբ այս անձինք, համագործակցելով իշխանությունների հետ հանրային ձևով, իրենց գործողություններով վնաս են հասցրել ոչ միայն Հայ Առաքելական Եկեղեցուն, այլև հայ ազգի հեղինակությանը և բարի համբավին։

 

Մենք համոզված ենք, որ Հայ Առաքելական Եկեղեցում առկա այն խնդիրները, որոնք չեն պարունակում հանցակազմի հատկանիշներ, պետք է կարգավորվեն բացառապես եկեղեցու ներսում՝ համապատասխան կանոնակարգերին համապատասխան, առանց իշխանությունների և իրավապահ մարմինների միջամտության։

 

ՀՀ պահեստազորի զինծառայողների նախաձեռնությունը իր աջակցությունն է հայտնում Հայ Առաքելական Եկեղեցուն՝ ի դեմս Վեհափառ Հայրապետի, և հորդորում է իշխանություններին ու իրավապահ մարմիններին զերծ մնալ եկեղեցու ներքին կանոնակարգով կարգավորվող հարցերին միջամտելուց։

 

ՀՀ պահեստազորի զինծառայողների նախաձեռնություն։