Քահանաները շարունակում են իրենց որդիական անվերապահ հավատարմությունը հայտնել Վեհափառ Հայրապետին

Քահանաները շարունակում են իրենց որդիական անվերապահ հավատարմությունը հայտնել Մայր Աթոռին ու Վեհափառ Հայրապետին․

«Ես՝ Անդրանիկ քահանա Սարգսյանս, որպես Հայաստանյայց Առաքելական Սուրբ Եկեղեցու քահանա և առաջնորդվելով քահանայական ուխտից բխող պարտավորություններով, պաշտոնապես հայտարարում եմ իմ անվերապահ հավատարմությունը Մայր Աթոռ Սուրբ Էջմիածնին և Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսին։ Հայտարարում եմ, որ իմ ծառայական լիազորությունները, հնազանդության շրջանակը և եկեղեցական ենթակայությունը բացառապես բխում են Հայաստանյայց Առաքելական Եկեղեցու կանոնական կարգից և չեն կարող ենթարկվել որևէ արտաքին կամ ոչ իրավաչափ միջամտության։

Տեր Անդրանիկ քահանա Սարգսյան»:

«Ես Տեր Դավիթ քահանա Կյուրեղյանս երբեք չեմ ուրանա իմ ուխտը առ Աստված, որպես Օծյալ Քանանա.և հավատարմությունս Մայր Աթոռ Սուրբ Էջմիածնին և Ազգիս ընտրյալ Հայրապետիս։

Սիրելի եղբայրներ ի Քրիստոս Հիսուս մեր միասնությամբ է,որ կպահպաննենք Հայ ժողովրդիս հազարամյակների պատմություն, ոչ թե (Հայաստանի պատմությամբ) կոչնչացնենք։կպահպանենք Հայ Առաքելական Սուրբ Եկեղեցու հազարամյակների պատմությունը, ոչ թե (Հայաստանի Առաքելական եկեղեցու պատմությունը)։ Խոհեմ լինենք մեր կարգի մեջ,իմաստուն և հեռատես մեր ծառայությամբ։

Տեր Դավիթ քահանա Կյուրեղյան»:

«Շարունակում եմ ծառայել մեր Տեր Աստծուն, մեր Սուրբ Եկեղեցուն, Սուրբ Էջմիածնին՝ հավատարիմ մնալով Լուսավորչի գահին ու գահակալին։
Իրոք ցավում եմ ստեղծված տխուր ու քայքայիչ իրավիճակի համար։ Աղոթում եմ մեր Սուրբ Եկեղեցու համար: Մեր Տեր Աստված մեզ հետ է:

Տեր Թադեոս քահանա Բարսեղյան»:

«Ես՝ տեր Հարություն քահանա Ավագյանս, իմ որդիական անվերապահ հավատարմությունն ու նվիրումն եմ հայտնում Մայր Աթոռ Սուրբ Էջմիածնին և Հայ Առաքելական Սուրբ Եկեղեցու Գահակալ ՝ Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին»: