Իրանը չի նահանջի բողոքի ցույցերի առջև և չի հանդուրժի օտարերկրացիներին ծառայելը. Իրանի գերագույն առաջնորդ այաթոլլահ Ալի Խամենեի

Իրանի գերագույն առաջնորդ այաթոլլահ Ալի Խամենեին, մեկնաբանելով ԱՄՆ նախագահ Դոնալդ Թրամփի հայտարարությունները, նշել է, որ ամբարտավան և բռնակալ կառավարիչները, սովորաբար, տապալվում են իրենց ամբարտավանության գագաթնակետին։

Այս մասին գրում են իրանական լրատվամիջոցները:

«Ինչ վերաբերում է այն մարդուն, ով նստած է այնտեղ՝ ամբարտավանությամբ և ինքնագոհությամբ, դատելով ամբողջ աշխարհը, նա պետք է իմանա, որ որպես կանոն, բռնակալներն ու ամբարտավան տերությունները, ինչպիսիք են փարավոնը, Նիմրուդը, Ռեզա Խանը, Մոհամմադ Ռեզան և այլն, տապալվել են հենց այն ժամանակ, երբ գտնվում էին իրենց ամբարտավանության գագաթնակետին։ Սա նույնպես տապալվելու է», - հայտարարել է Խամենեին։

«Իրանը չի նահանջի բողոքի ցույցերի առջև։ Իսլամական Հանրապետությունը չի հանդուրժի օտարերկրացիներին ծառայելը», - ասել է նա։

Խամենեին նաև կասկած է հայտնել ԱՄՆ նախագահ Դոնալդ Թրամփի՝ իրանցի ժողովրդին աջակցելու մասին հայտարարությունների վերաբերյալ և մեղադրել է նրան անցյալ տարի Իրանի վրա հարձակումների ժամանակ մոտ հազար իրանցիների մահվան մեղավոր լինելու մեջ:

Խամենեին կոչ է արել ԱՄՆ նախագահին կենտրոնանալ իր սեփական գործերի վրա։

«Եթե կարող է, թող կենտրոնանա իր սեփական երկրի կառավարման վրա», - ընդգծել է Իրանի գերագույն առաջնորդը։