Փաշինյանը Ամանորին գրանցված հոսանքազրկումների համար մեղադրում է ՀԷՑ–ի նախկին ղեկավարներին

«Այն փաստը, որ մարդիկ Ամանորի գիշերն անցկացրել են հոսանքազրկված բնակավայրերում, ցույց է տալիս այն կառավարման արդյունքները, որոնք նախորդիվ շրջանում իրականացվել է ՀԷՑ–ում, և այն պրոցեսները, որոնք դուք տեսել եք մայիսից, դա արդյունք է, որ ՀԷՑ–ը չի կատարել իր ներդրումային պարտավորությունները մասնավորապես մարզային բնակավայրերում»: Այս մասին կառավարության նիստում ասաց Նիկոլ Փաշինյանը:

Ըստ նրա, եթե նախորդ 6 ամսվա պրոցեսները տեղի չունենային, Նոր տարվա գիշերը հոսանքազրկված բնակավայերի թիվը երեք անգամ ավելի կլիներ. լրագրողների հետ ճեպազրույցին ասաց Նիկոլ Փաշինյանը՝ պատասխանելով այն հարցին, թե «մինչ նա դրոններով շոուով էր հիանում, հազարավոր մարդիկ մթության մեջ էին դիմավորում Նոր տարին, իսկ գործընթացից շահեց միայն Ռոմանոս Պետրոսյանը, որը Սամվել Կարապետյանի հաշվին լավ աշխատավարձ է ստանում»։

«Եթե եղել են մարդիկ, որ Ամանորի գիշերն անցկացրել են հոսանքազրկված բնակարաններում, դա ցույց է տալիս այն կառավարման արդյունքները, որը նախորդիվ շրջանում իրականացվել է ՀԷՑ-ում և այն պրոցեսները, որոնք տեսել եք մայիսից սկսած՝ դրա արդյունքով է, որ ՀԷՑ-ը չի կատարում իր ներդրումային պարտավորությունները հատկապես մարզային բնակավայրերում»,-ասաց նա։

Փաշինյանը նշեց՝ կասկածներ ունի, որ հոսանքի անջատումներն արվում են դժգոհություն գեներացնելու համար։

Նա հայտարարեց, թե հենց Ռոմանոս Պետրոսյանի և մյուս գործընկերների աշխատանքի արդյունքում է պարզվել, որ ՀՀ-ում չկա գոնե մի ընտանիք և գերատեսչություն, որից այս ընթացքում «ՀԷՑ-ը փող չի գողացել»։

«Համոզված եմ, որ ճիշտ որոշում ենք կայացրել»,-ասաց նա։