8000 դոլար կաշառք՝ կալանավորին բանտից տուն ուղարկելու համար. ի՞նչ է կատարվել Արմավիրի բանտում
Armlur.am-ին հայտնի դարձավ, որ Աշոտ Դավթի Մուրադյանին մեղադրանք է առաջադրվել այն բանի համար, որ նա, մտերիմ հարաբերությունների մեջ գտնվելով պաշտոնատար անձ հանդիսացող դատական իշխանության ներկայացուցչի հետ, օժանդակել է վերջինիս կողմից իր իշխանական լիազորություններով պայմանավորված ազդեցությունն օգտագործելով՝ Արմավիրի մարզի առաջին ատյանի ընդհանուր իրավասության դատարանի դատավորի վարույթում գտնվող թիվ ԵԴ1/0350/01/24 քրեական գործով մեղադրյալ Բենյամին Աշոտի Ասատրյանից վերջինիս խափանման միջոցը այլընտրանքային խափանման միջոցով փոխարինելու համար խոշոր չափերով կաշառք պահանջելուն։
Եվ այսպես, ըստ նախաքննական մարմնի՝ Արմավիրի մարզի առաջին ատյանի ընդհանուր իրավասության դատարանում քննվում է թիվ ԵԴ1/0350/01/24 քրեական գործը, որով Բենյամին Ասատրյանին մեղսագրված է ՀՀ քրեական օրենսգրքով նախատեսված ծանր և առանձնապես ծանր հանցանքների կատարում, իսկ որպես խափանման միջոց կիրառված է եղել կալանքը։
Նշված քրեական գործով մեղադրյալի նկատմամբ որպես խափանման միջոց կիրառված կալանքը տնային կալանքով փոխարինելու հարցը քննարկելու նպատակով Բենյամին Ասատրյանի մտերիմ Աշոտ Մուրադյանը 2025 թվականի հունվար ամսին՝ դեռևս չպարզված օրը, հանդիպել է դատական իշխանության ներկայացուցչին, ով իր իշխանական և ծառայողական լիազորություններով պայմանավորված ազդեցությունն օգտագործելով՝ Բենյամին Ասատրյանի օգտին ապօրինի գործողություն կատարելու, այն է՝ վերջինիս նկատմամբ կիրառված խափանման միջոց կալանքը տնային կալանքով փոխարինելուն նպաստելու համար, պահանջել է 3.989.700 ՀՀ դրամին համարժեք՝ 10.000 ԱՄՆ դոլար կաշառք, այնուհետև սակարկությունների արդյունքում վերջնական համաձայնություն է ձեռք բերվել 3.191.760 ՀՀ դրամին համարժեք՝ 8.000 ԱՄՆ դոլար կաշառքի գումարի շուրջ։
Աշոտ Մուրադյանը, ստանձնելով դատական իշխանության ներկայացուցչի կողմից խոշոր չափերով կաշառք ստանալուն օժանդակողի դերը, վերջինիս կողմից խոշոր չափերով՝ 3.191.760 ՀՀ դրամին համարժեք՝ 8.000 ԱՄՆ դոլար կաշառք տալու պահանջը 2025 թվականի հունվար ամսին փոխանցել է կաշառք տվողին՝ այդ կերպ վերացնելով դատական իշխանության ներկայացուցչի կողմից կաշառք տվողից կաշառքը պահանջելու, ինչպես նաև վերջինիս հետ այդ նպատակով անձամբ հաղորդակցվելու դեպքում հավանական բացահայտման խոչընդոտը։
Այնուհետև, 2025 թվականի մայիսի 19-ին, Բենյամին Ասատրյանի նկատմամբ որպես խափանման միջոց կիրառված կալանքը փոխարինվել է տնային կալանքով։ Քրեական գործը ուղարկվել է դատարան։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
