Իրանի գերագույն առաջնորդ Ալի Խամենեին ծրագրում է փախչել Մոսկվա. The Times

Իրանի գերագույն առաջնորդ այաթոլլա Ալի Խամենեին մշակել է երկրից տարհանման ծրագիր, եթե Իրանի անվտանգության ուժերը չկարողանան ճնշել բողոքի ցույցերը։ Այս մասին հաղորդել է The Times-ը՝ հղում անելով հետախուզական զեկույցին։

Հոդվածում նշվում է, որ 86-ամյա իրանցի առաջնորդը պլանավորում է փախչել Թեհրանից՝ իր 20 օգնականներից և ընտանիքի անդամներից բաղկացած մերձավոր շրջապատի ուղեկցությամբ, եթե տեսնի, որ բանակն ու անվտանգության ուժերը սկսում են անցնել ցուցարարների կողմը կամ դադարում են կատարել հրամանները։

«Խամենեին փախչում է Մոսկվա, քանի որ նրա համար այլ տեղ չկա», - թերթին ասել է Բենի Սաբտին, որը տասնամյակներ շարունակ ծառայել է Իսրայելի հետախուզությունում:

Փախուստի ծրագիրը, նշում է Times-ը, հիմնված է Սիրիայի առաջնորդ Բաշար ալ-Ասադի փորձի վրա, որը տապալվել է 2024 թվականի դեկտեմբերին և Դամասկոսից փախել է Մոսկվա՝ իր ընտանիքի հետ վերամիավորվելու համար, նախքան երկրի մայրաքաղաքի գրավումը։