2025 թվականին Իրանում մահապատժի է ենթարկվել մոտ 2000 մարդ

2025 թվականին Իրանի բանտերում մահապատժի է ենթարկվել առնվազն 1922 մարդ, ինչը նախորդ տարվա կրկնակի ցուցանիշն է։Նշվում է, որ վերջին մեկ տարվա ընթացքում հրապարակային մահապատիժ է իրականացվել 10 անգամ։ Այս վիճակագրությունը ներառում է 2025 թվականի հունվարի 1-ից մինչև դեկտեմբերի 20-ը ընկած ժամանակահատվածը։

Զեկույցը կազմվել է Իրանում մարդու իրավունքների վիճակի վերաբերյալ 10826 զեկույցների հավաքագրման, վերլուծության և փաստաթղթավորման հիման վրա։ Այս ժամանակահատվածում, մահապատժի ենթարկվածներից բացի, մահապատժի է դատապարտվել ևս 168 մարդ։

Մահապատժի ենթարկվածներից 1681-ը (87%) տղամարդիկ էին, իսկ առնվազն 59-ը՝ կանայք։ Մահապատժի ենթարկվածների 10%-ի սեռի վերաբերյալ տեղեկատվությունը հասանելի չէր։ Բացի այդ, մահապատժի են ենթարկվել երկու անչափահաս հանցագործներ։

2025 թվականին մահապատժի ենթարկվածների 47.55%-ը դատապարտվել է սպանության, իսկ 46.10%-ը՝ թմրանյութերի հետ կապված մեղադրանքներով։