Պակիստանում աhաբեկիչները հարձակվել են ոստիկանների վրա. առնվազն հինգ մարդ զոհվել է

Պակիստանի առնվազն հինգ ոստիկան է զոհվել հյուսիսարևմտյան Խայբեր-Պախտունխվա նահանգում ահաբեկչական հարձակման հետևանքով:

Այս մասին հաղորդում է The Express Tribune-ը։

Գարագրի Բանդա շրջանում ահաբեկիչների կողմից կրակ է բացվել իրավապահ մարմինների աշխատակիցների տեղափոխող մեքենայի վրա: Դեպքի վայրը շրջափակվել է հակաահաբեկչական գործողություն իրականացնող անվտանգության ուժերի կողմից։

Պակիստանի վարչապետ Շահբազ Շարիֆն արդեն դատապարտել է հարձակումը և ցավակցություն հայտնել զոհերի ընտանիքներին։

Գարագրի Բանդան գտնվում է նավթի և գազի հանքավայրերի տարածքում, որոնք մշակվում են MOL Pakistan-ի կողմից՝ զինվորականների և ոստիկանների պաշտպանության ներքո։ Զինյալները պարբերաբար հարձակվում են նավթի և գազի օբյեկտների վրա և առևանգում աշխատողներին։ Դեկտեմբերին շրջանում ինքնասպան ահաբեկիչը սպանել է մեկ ոստիկանի և վիրավորել մի քանիսին։