Տեղի ունեցավ Բաղդադի Առաջնորդանիստ Սուրբ Գրիգոր Լուսավորիչ Մայր եկեղեցու վերաբացման արարողությունը
Դեկտեմբերի 20-ին, Սուրբ Ծննդյան նախաշեմին, շուրջ մեկ տարի տևած հիմնանորոգումից հետո, հանդիսավոր կերպով տեղի ունեցավ Իրաքի մայրաքաղաք Բաղդադի Առաջնորդանիստ Սուրբ Գրիգոր Լուսավորիչ Մայր եկեղեցու վերաբացման արարողությունը։
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հայրապետական օրհնությամբ և Իրաքի Հայոց թեմի առաջնորդ Տեր Օշական եպիսկոպոս Գյուլգյուլյանի առաջնորդությամբ իրականացավ երկար սպասված և բաղձալի երազանք․ հիմնովին նորոգված Մայր եկեղեցին իր դռները բացեց հավատացյալ ժողովրդի առջև։ Եկեղեցին, որը կառուցվել էր 1957 թվականին, իր գոյության ընթացքում երբևէ չէր ենթարկվել նման ծավալուն և ընդգրկուն հիմնանորոգման։
Վերաբացման հանդիսությանը ներկա էր Իրաքի վարչապետ Մոհամմեդ Շիա Սուդանին, ինչպես նաև պետական այրեր, քաղաքական գործիչներ, քրիստոնեական եկեղեցիների պետեր և Իրաքում ծառայող հոգևորականներ։ Իրենց ներկայությամբ արարողությունը պատվեցին նաև Իրաքում հավատարմագրված մի շարք երկրների դեսպաններ։
Դռնբացեքի հանդիսավոր կարգի ավարտից հետո հոգևոր թափորը շարժվեց դեպի Մայր եկեղեցի, որտեղ եկեղեցիների պետերի մասնակցությամբ կատարվեց միասնաբար աղոթք։ Օրվա հոգևոր և տոնական մթնոլորտը առավել շքեղ ու ներշնչող դարձրեցին Սուրբ Գրիգոր Լուսավորիչ եկեղեցու «Զվարթնոց» երգչախմբի հոգեպարար կատարումները։
Աղոթքի ավարտին շնորհակալական և սրտի խոսքեր հնչեցրին Կենտրոնական վարչության ատենապետ Կարապետ Գալուստյանը և Քրիստոնեական նախարար Դոկտոր Ռամի Աղաջանը։ Այնուհետև իր գոհության և երախտագիտության խոսքն ուղղեց Տեր Օշական եպիսկոպոս Գյուլգյուլյանը՝ շնորհակալություն հայտնելով Իրաքի կառավարությանը, որի նյութական օժանդակությամբ հնարավոր դարձավ այս մեծածավալ և կարևոր աշխատանքների իրականացումը։ Մեծ պատիվ էր, որ անձամբ վարչապետը ներկա գտնվեց վերաբացման արարողությանը՝ ևս մեկ անգամ ընդգծելով օրվա պատմական նշանակությունը։
Վերջում իր խոսքն ասաց վարչապետ Մոհամմեդ Շիա Սուդանին՝ շեշտելով քրիստոնյաների և մուսուլմանների եղբայրական համակեցությունը և նշելով, որ Իրաքի իշխանությունները մեծապես կարևորում են հայ ժողովրդի ներկայությունն ու հոգևոր կյանքի զարգացումը երկրում։
Հանդիսավոր և հոգևոր լիցք ունեցող արարողությունը եզրափակվեց հուշագրերի և նվերների փոխանակմամբ։ Նույն օրը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ և Իրաքի Հայոց թեմի առաջնորդ Տեր Օշական եպիսկոպոս Գյուլգյուլյանի միջնորդությամբ, իր նվիրյալ ծառայության գնահատմամբ քահանայական լանջախաչ կրելու պատվին արժանացավ Տեր Սեպուհ քահանա Բաղդասարյանը՝ ի նշան եկեղեցասիրության և տարիների հավատավոր սպասավորության։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
