ԱՄՆ-ում Ադրբեջանի և Հայաստանի դեսպանները միասին քննարկել են TRIPP նախաձեռնությունը
ԱՄՆ-ում Ադրբեջանի և Հայաստանի դեսպաններ Խազար Իբրահիմը և Նարեկ Մկրտչյանը մասնակցել են «Trump Route for International Peace and Prosperity» (TRIPP) նախաձեռնությանը նվիրված կլոր սեղանի քննարկմանը։
Միջոցառմանը մասնակցել են նաև Վաշինգտոնում Վրաստանի, Ղազախստանի, Ղրղզստանի, Թուրքմենստանի և Ուզբեկստանի դեսպանները, ինչպես նաև ԱՄՆ կառավարության բարձրաստիճան պաշտոնյաներ և բիզնեսի ներկայացուցիչներ։
Հանդիպման ընթացքում կողմերը քննարկել են TRIPP նախաձեռնության դերը տարածաշրջանային կապի ամրապնդման և Միջին միջանցքի երկայնքով ԱՄՆ կայուն տնտեսական ներկայության հաստատման գործում։
«ԱՄՆ վարչակազմի օգնությամբ ձեռք բերված օգոստոսին Ադրբեջանի և Հայաստանի միջև կնքված խաղաղության համաձայնագիրը պատմական առաջընթաց է ստեղծել», - ասել է ԱՄՆ Պետդեպարտամենտի խաղաղապահ գործողությունների գրասենյակի տնօրեն և խաղաղության հարցերով հատուկ դեսպանորդ Վինայ Չավլան։
Խազար Իբրահիմը, իր հերթին, նշել է, որ այս տարվա օգոստոսին Վաշինգտոնում կայացած առաջնորդների գագաթնաժողովը պատմական դեր խաղաց տարածաշրջանային խաղաղության գործընթացի առաջխաղացման գործում:
ՀՀ դեսպանն ընդգծել է, որ TRIPP նախաձեռնությունը զգալի օգուտներ կբերի Հարավային Կովկասին, Կենտրոնական Ասիային և այլ տարածաշրջաններին:
«Նախագահ Դոնալդ Թրամփի ղեկավարության շնորհիվ է, որ մենք կարողացանք ստեղծել խաղաղություն և դրա համար TRIPP-ը դիրքավորվել է որպես մեր տարածաշրջանային ռազմավարության հիմնական տարր», - ասել է Նարեկ Մկրտչյանը:
«Ես ողջունում եմ մեր ադրբեջանցի գործընկերների հետ կառուցողական համագործակցությունը և այն փաստը, որ քննարկումները շարժվում են դեպի կոնկրետ զարգացման նախագծեր: Նման համագործակցությունը կարևոր է տնտեսական և սոցիալական զգալի արդյունքների հասնելու համար», - հավելել է հայ դիվանագետը:
Քննարկումներին անդրադարձ է եղել նաև ամերիկյան հաստատությունների, այդ թվում՝ ԱՄՆ Միջազգային զարգացման ֆինանսական կորպորացիայի (DFC) դերին՝ նախագծերի ֆինանսավորմանը աջակցելու, առևտրի խթանման և ներդրումային ռիսկերը մեղմելու գործում:
Կլոր սեղանն ավարտվել է համատեղ գնահատմամբ, որ TRIPP-ը ներկայացնում է եզակի հարթակ ԱՄՆ ռազմավարական առաջնահերթությունները տարածաշրջանային տնտեսական ինտեգրման հետ համապատասխանեցնելու համար։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
