Ազատամարտիկները գնում են կիսատ գործը ավարտին հասցնելու, իսկ ադրբեջանցիները` հող զավթելու. (տեսանյութ)

Սա ինֆորմացիոն պատերազմ է: «Անդրադարձ» մամուլի ակումբում ասաց հոգեբան Սամվել Խուդոյանը՝ անդրադառնալով Ղարաբաղ-Ադրբեջան սահմանագծում տիրող պատերազմային իրավիճակին:

Նրա խոսքով՝ չպետք է տարածել այնպիսի տեղեկատվություն, որն անցնում է էթիկայի սահմաններն ու կարող է խուճապ առաջացնել:

«Մեր մոտ վրեժխնդրության զգացում է: Ազատամարտիկները գնում են կիսատ գործը ավարտին հասցնելու, իսկ ադբեջանցիները նպատակը մեկն է՝ հող զավթել»,-ասաց հոգեբանը:

Տեղեկատվական անվատանգության փորձագետ Սամվել Մարտիրոսյանն էլ նկատեց, որ ադրբեջանցիները մշակել են սցենար և ապատեղեկատվություն տարածելու համար դիմում են տարբեր մեթոդների:

«Օրինակ, կարող են ներկայանալ հայ զոհված ազատամարտիկի կին և հնարավորինս ինֆորմացիա քաղել կամ իրենց ապատեղեկատվությունը հաղորդել զրուցակցին: Այնպես որ, չպետք է շփվել անծանոթների հետ»,- հորդորեց Մարտիրոսյանը:

Մանրամասները՝ տեսանյութում