ՍիվիլՆեթին մերժել է, ՔՊ-ի Civic-ին՝ ոչ. ինչու է ԱԱԾ-ն ընտրովի տրամադրում Եզրաս արքեպիսկոպոսի գործը
Անի Գրիգորյան, #CivilNetCheck
«Քաղաղաքացիական պայմանագրին» պատկանող civic.am-ը դեկտեմբերի 19-ին հրապարակել է Ազգային անվտանգության ծառայությունից ստացած փաստաթղթեր, որոնցով, իրենց պնդմամբ, հաստատվում է, որ Ամենայն հայոց կաթողիկոս Գարեգին Բ-ի եղբայր՝ Եզրաս արքեպիսկոպոս Ներսիսյանը, համագործակցել է ԽՍՀՄ պետական անվտանգության կոմիտեի (ԿԳԲ) հետ։
«Պաշտոնական փաստաթղթեր ԱԱԾ-ից. Կտրիճի եղբայր Եզրասը հավաքագրվել է սովետական ԿԳԲ-ի կողմից և ստացել «Կարո» ծածկանունը, հիմա էլ կապեր է պահպանում օտարերկրյա հատուկ ծառայությունների հետ»,- գրել է civic.am-ը։
Լրատվամիջոցը հրապարակել է փաստաթուղթ, որում նշված է, թե Մկրտիչ Գրիգորիի Ներսիսյանը 1986-ին հավաքագրվել է ԽՍՀՄ Պետական անվտանգության կոմիտեի կողմից։
#CivilNetCheck-ը չի ստուգել հրապարակված փաստաթղթի իսկությունը. և հնարավոր չէ ասել արդյոք այն իրական է։ Սակայն հատկանշական է, որ շուրջ մեկուկես ամիս առաջ մենք դիմել էինք ԱԱԾ՝ հարցնելով, թե արդյոք կառույցը տիրապետում է տեղեկատվության Եզրաս արքեպիսկոպոս Ներսիսյանի՝ գործակալ լինելու վերաբերյալ։
Այն ժամանակ ԱԱԾ-ն մերժել էր տրամադրել որևէ տեղեկություն։ Հոկտեմբերի 30-ին ստացված պատասխան գրության մեջ կառույցը հղում էր արել «Պետական և ծառայողական գաղտնիքի մասին» օրենքին՝ պնդելով, որ պահանջվող տվյալները դասվում են պետական գաղտնիքի շարքին և ունեն գաղտնիության համապատասխան դրոշմագրեր։
Իր պատասխանում ԱԱԾ-ն նշել էր, որ հայցվող տեղեկատվությունը վերաբերում է այլ անձի անձնական կյանքին և ենթակա չէ տրամադրման, քանի որ դրա հրապարակումը կարող է խախտել մարդու անձնական և ընտանեկան կյանքի գաղտնիությունը։
Հոկտեմբերի սկզբին Civic.am-ը հրապարակել էր «անանուն նամակ», որտեղ նշվում էին նույն տվյալները՝ «Կարո» ծածկանունը և հավաքագրման մանրամասները։ Այն ժամանակ հոդվածում բացակայում էին պաշտոնական փաստաթղթերը կամ հղումները։
Հոկտեմբերի 22-ին վարչապետ Նիկոլ Փաշինյանը Ազգային ժողովի ամբիոնից կրկնեց այդ պնդումները՝ հղում անելով «մամուլում եղած» տեղեկություններին։ Երբ #CivilNetCheck-ը փորձեց ճշտել վարչապետի հայտարարության հիմքերը, կառավարությունից հստակ պատասխան չստացվեց, իսկ ԱԱԾ-ն, ինչպես նշվեց, հրաժարվեց մեկնաբանել։
Եզրաս արքեպիսկոպոսի՝ ԿԳԲ-ի գործակալ լինելու մասին Փաշինյանի պնդումները հենվում են իր կայքերի վրա
Ստացվում է, որ նոյեմբերին Եզրաս Ներսիսյանի ենթադրյալ գործակալական անցյալը համարվում էր պետական գաղտնիք և պաշտպանված անձնական տվյալ, իսկ դեկտեմբերին՝ իշխանական լրատվամիջոցի հարցման դեպքում, այդ նույն տվյալները դարձել են հանրային և բաց։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
