Ադրբեջանից բենզինի ներմուծումը կրում է բացառապես քաղաքական բնույթ
«Ապրելու երկիր» կուսակցության համահիմնադիր Մեսրոպ Առաքելյանը անդրադարձել է Հայաստան ուղարկված ադրբեջանական բեզնին․
«Իշխանությունները մեծ ոգևորությամբ «ավետում են» ադրբեջանական բենզինի ներմուծման մասին։ Կարիք չկա անդրադառնալու գործարքի քաղաքական կողմին, որը թե՛ կարճաժամկետ, թե՛ երկարաժամկետ հեռանկարում շահավետ է բացառապես Ադրբեջանի համար։
Մեր հասարակությունում տարածված է թյուր կարծիք, թե ադրբեջանական բենզինը շատ էժան է, և դրա ներմուծման դեպքում Հայաստանում նույնպես բենզինի գինը կնվազի։ Իհարկե, չի կարելի բացառել, որ քաղաքական նպատակներով, Ադրբեջանը մեզ նույնիսկ անվճար բենզին տրամադրի, սակայն իրականությունը բոլորովին այլ է։
Եվ այսպես՝
Ադրբեջանը չի համարվում բենզին արտահանող երկիր։ 2025 թվականի առաջին կիսամյակում այն արտահանել է ընդամենը 5 400 տոննա բենզին՝ մոտ 3,5 մլն դոլար ընդհանուր արժեքով։ Այդ ծավալից 2 300 տոննա արտահանվել է Աֆղանստան, 1 100 տոննա՝ Վրաստան, իսկ 2 000 տոննա՝ Թուրքիա։ 2024 թվականին Ադրբեջանը ընդհանրապես բենզինի արտահանում չի իրականացրել։ Արտահանվող ամբողջ ծավալը ռեգուլյար տեսակի բենզին է։
Միևնույն ժամանակ, Ադրբեջանը իր ներքին կարիքների համար ներմուծում է պրեմիում տեսակի բենզին։ 2025 թվականի առաջին 10 ամիսներին ներմուծվել է 121 200 տոննա բենզին, ինչը նախորդ տարվա համեմատ գրեթե երկու անգամ ավելի է՝ մոտ 103 մլն դոլար ընդհանուր արժեքով։ Ներմուծման 61%-ը իրականացվել է Ռուսաստանից, ինչպես նաև՝ ԱՄԷ-ից, Ռումինիայից, Բելառուսից, Բուլղարիայից և Վրաստանից։
Այսպիսով, Ադրբեջանը մոտ 13 անգամ ավելի շատ բենզին է ներմուծում, քան արտահանում (կես տարվա հաշվարկով)։
Ադրբեջանում արտադրվող բենզինը գրեթե ամբողջությամբ ռեգուլյար տեսակի է։
Վրաստանի բենզինի ներմուծման հիմնական գործընկերներն են Ռուսաստանը, Ռումինիան և Բուլղարիան։
Հայաստանը նույնպես բենզին է ներմուծում Ռուսաստանից, Ռումինիայից և Բուլղարիայից։
Տարածաշրջանի երեք երկրներն էլ բենզին են ներմուծում նույն հիմնական մատակարարներից՝ Ռուսաստանից, Ռումինիայից և Բուլղարիայից։ Եթե Ադրբեջանից բենզինի ներմուծումը լիներ տնտեսապես շահավետ, առաջին հերթին դա կիրականացներ հարևան Վրաստանը, որը տվյալ հարցում չունի որևէ քաղաքական, տնտեսական կամ ենթակառուցվածքային խոչընդոտ։
Հետևաբար, վերը նշված փաստերը ակնհայտ են դարձնում, որ Ադրբեջանից բենզինի ներմուծումը կրում է բացառապես քաղաքական բնույթ և չունի որևէ տնտեսական հիմնավորում»,- գրել է նա։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
