Ուկրաինան հարվածներ է հասցրել Ռոստովի մարզին. կան զոհեր և վիրավորեր

Գիշերը Ռոստովը, Բատայսկը և Տագանրոգը ենթարկվել են անօդաչու թռչող սարքերի հարձակումների, ըստ Ռոստովի մարզի նահանգապետ Յուրի Սլյուսարի։ Նա հաստատել է, որ հարձակման հետևանքով Ռոստովի նավահանգստում բեռնատար նավ է հրդեհվել։

Անձնակազմի երկու անդամ զոհվել է, ևս երեքը՝ վիրավորվել։ Նահանգապետը չի նշել, թե որ նավի մասին է խոսքը, սակայն Դոնի Ռոստովի քաղաքապետ Ալեքսանդր Սկրյաբինը նախկինում հայտարարել էր, որ հարվածը հասցվել է կայանատեղիում կայանված տանկերին։ Հարվածը հրդեհ է առաջացրել տանկերի վրա։

Քաղաքի արևմուտքում գտնվող նորակառույց բազմահարկ շենքը նույնպես վնասվել է, սակայն նախնական տվյալներով՝ ոչ ոք չի տուժել։ Բատայսկում վիրավորվել է յոթ մարդ։ Չորսին օգնություն է ցուցաբերվել դեպքի վայրում, իսկ երեքը հոսպիտալացվել է: Բժիշկները չեն կարողացել փրկել նրանցից մեկին, հայտնել է մարզի նահանգապետը։