Միքայել Սրբազանի հետ կապված՝ որևէ ծայրահեղ առողջական խնդիր այս պահին առկա չէ. Սրբուհի Գալյան

Որևէ ծայրահեղ առողջական խնդիր այս պահին առկա չէ։ Այս մասին ԱԺ-ում ասաց Առողջապահության նախարար Սրբուհի Գալյանն՝ անդրադառնալով Միքայել սրբազանի առողջական վիճակին ու անհապաղ վիրահատության անհրաժաշետության մասին Գառնիկ Դանիելյանի հայտարարությանը։ 

Մինչ այդ՝ ես ուզում եմ տեղեկացնել, որ բոլորի առողջական վիճակը գնահատվում է և որևէ սուր խնդիր մինչ այս պահը չի արձանագրվել»։ 

Գալյանը տեղեկացրեց, որ այսօր Սրբազանին կմոտենա ՔԿՀ իրավաբան, կպարզաբանի իր իրավունքը և կխնդրի համապատասխան դիմում ներկայացնել։   
Դիտարկմանը, թե համապատասխան դիմում ներկայացվել է, սակայն իրավապահները պնդում են, թե իբրև այդ դիմումը սխալ է ներկայացվել և բյուրոկրատական քաշքշուկ կա՝ Գալյանն ասաց, որ բյուրոկրատական քաշքշուկ չկա և չի կարող լինել։ «Եթե մարդը վիրահատության կարիք ունի, և եթե հարցը վերաբերում է անձի առողջությանը՝ ընդամենը պետք է, որ անձը դիմում ներկայացնի, այդ դիմումը կքննարկվի, կներկայացվի և կձեռնարկվեն բոլոր այն միջոցները, որոնք պետք է ձեռնարկվեն անձի առողջության պահպանման համար։ 

Այն դիմումը որ պետք է ներկայացվի՝ չի ներկայացվել։ Եթե իր փաստաբանները տեղյակ չեն, թե ինչպես պետք է ներկայացվի դիմում՝ ես հանձնարարել եմ, որ մեր իրավաբանը մոտենա իրեն, դիմում վերցնի և ներկայացնի ՊՈԱԿ-ին»,-ասաց նա։