Նոյեմբերին հարկ վճարողների հետ ապահովել ենք 201.4 մլրդ դրամ հարկեր և տուրքեր. ՊԵԿ նախագահ

Հարկ վճարողների հետ մեր միասնական ջանքերի շնորհիվ կարողանում ենք պահպանել հարկային մուտքերի բարձր աճի դրական միտումը: Այդ մասին ասված է ՊԵԿ նախագահ Էդուարդ Հակոբյանի Ֆեյսբուքի էջում:

 

«2025 թվականի նոյեմբերին հարկ վճարողների հետ ապահովել ենք 201.4 մլրդ դրամ հարկեր և տուրքեր, ինչը նախորդ տարվա նույն ամսվա համեմատ ավելի է 22.3 մլրդ դրամով կամ 12.5 %֊ով։

 

Այսպիսով, պետք է արձանագրենք, որ 2025 թվականի 11 ամիսների ընթացքում պետական բյուջե մուտքագրվել են 2 տրլն 441. 9 մլրդ դրամ հարկեր և տուրքեր, ինչը նախորդ տարվա նույն ցուցանիշից ավելի է 292.6 մլրդ դրամով կամ 13.6%-ով։

 

Հարկային եկամուտների կայուն և առաջանցիկ աճը վկայում է տնտեսական ակտիվության ու բիզնես միջավայրի զարգացման, հարկային կարգապահության բարձրացման ու ստվերի նվազման, հարկային վարչարարության արդյունավետության և հանրային վստահության աճի մասին։

 

Այս արդյունքները ևս մեկ անգամ ցույց են տալիս, որ հարկ վճարելու բարեխիղճ և հոգատար մշակույթն այլընտրանք չունի, իսկ մեր ձևավորած բաց ու մարդակենտրոն միջավայրը՝ հիմնված երկխոսության և գործընկերության վրա, նպաստում է այդ մշակույթի ամրապնդմանը։

 

Շնորհակալություն եմ հայտնում հարկ վճարողներին՝ ցուցաբերած կարգապահության, պատասխանատվության և վստահության համար»,- նշված է գրառման մեջ։