«Ժողովուրդ» օրաթերթը գրում է.
«Ազգային ժողովի առաջիկա քառօրյա նիստի օրակարգում է ներառվել «Հայաստան» խմբակցության ղեկավար Սեյրան Օհանյանի դիմումը՝ ուղղված Ալեն Սիմոնյանին։
Բանն այն է, որ 12 կետից բաղկացած օրակարգի հենց 12-րդ կետը Հեռուստատեսության եւ ռադիոյի հանձնաժողովի անդամ Հակոբ Հակոբյանի լիազորությունները դադարեցնելու մասին է։
Օհանյանը դիմումի մեջ նշել է՝ պատճառն այն է, որ Հակոբյանը խախտել է հանրային ծառայողների քաղաքական չեզոքության եւ զսպվածության պահանջները։
Հարկ է նշել, որ 2022 թվականին Հակոբ Հակոբյանի թեկնածությունն առաջարկել էր «Քաղաքացիական պայմանագիր» խմբակցությունը։
«Ժողովուրդ» օրաթերթը փորձեց հենց Սեյրան Օհանյանից պարզել, թե այդ ինչ է արել Հակոբ Հակոբյանը, որ վերջինիս հարցը հասել է Ազգային ժողով։
«Հակոբ Հակոբյանի վերաբերյալ մեկ անգամ հաղորդում էր տվել Լիլիթ Գալստյանը՝ «պաշտոնի անհամապատասխանության» վերաբերյալ, եւ մի անգամ էլ մենք ենք դիմել Կոռուպցիայի կանխարգելման հանձնաժողով, որ քննության առնեն՝ գործունեության մեջ քաղաքական չեզոքություն չպահպանելու համար, քանի որ այդ հանձնաժողովի անդամները պետք է քաղաքական չեզոքություն պահպանեն, իսկ Հակոբյանը տարբեր տիպի հայտարարություններ էր արել ընդդիմության, ԶԼՄ-ների եւ «Դաշնակցության» վերաբերյալ։
Հիմա մենք դիմել ենք ԿԿՀ։ Լիլիթ Գալստյանի դիմելու ժամանակ իրենք գրել էին, որ կոռուպցիոն խնդիրներ չկան, իսկ պաշտոնի անհամապատասխանության հարցը կքննարկեն։ Իսկ խմբակցությանը Հանձնաժողովը պատասխանել էր, որ իր գործողությունների մեջ իրոք քաղաքական չեզոքության խախտման խնդիրներ կան։
Մենք դիմել ենք ԱԺ, որպեսզի իր հարցը լիագումար նիստում քննարկվի»,- ասաց Օհանյանը։
Սեյրան Օհանյանը նշեց նաեւ, որ պատրաստվում են հենց նիստի ընթացքում նշել բոլոր այն դեպքերը, երբ Հակոբյանը խախտել է քաղաքական չեզոքությունը։
Հավելենք, որ 1979 թվականից 1991 թվականները Հակոբ Հակոբյանն աշխատել է «Գարուն» ամսագրում, 1991-1996 թվականներին եղել է ՀՀ մշակույթի նախարար»։
Մանրամասները՝ «Ժողովուրդ» օրաթերթի այսօրվա համարում:
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Փաշինյանը որոշել է «ժերտվա տալ» մերձավորներին. «Հրապարակ»
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
Առյուծներին խնամողներն զգուշացրել են, որ այդ օրը նրանց չկերակրման օրն է, և քնեցումը կարող է անկանխատ...
