Ադրբեջանի ԶՈւ հայտնի դարձած կորուստները (լուսանկարներ)

Երեկ` ապրիլի 2-ին ՀՀ Պաշտպանության բանակի ստորաբաժանումները խոցել էին Ադրբեջանի ԶՈւ 2 ուղղաթիռ:

Այդ մասին հայտնում է` razm.info-ն:

Դրանցից Ադրբեջանի ՊՆ-ն հաստատել է մեկի մասին տեղեկությունը, սակայն ավելի ուշ հայտնի է դարձել նաև ադրբեջանական խոցված ուղղաթիռների սպանված օդաչուների` մայորներ Ուրֆան Վալիզադեի (Urfan Vəlizadə) և Թաբրիզ Մուսթաֆազադեի (Təbriz Mustafazadə), ավագ լեյտենենանտ Բաքիր Իսմայիլովի (Bəkir İsmayılov) մասին:

Սա ակնհայտ է դարձնում, որ խոցված ուղղաթիռները մեկից ավելի են եղել, քանի որ ուղղաթիռների անձնակազմը 2 հոգի է լինում, բացի այդ էլ նույն ուղղաթիռում մայորի կոչումով երկու սպա դժվար թե լինեին:

Այնուամենայնիվ այս պահին հայտնի է երկու խոցված ուղղաթիռների ընդհանուր 3 սպանված օդաչուի անուն:

Ավելի ուշ հայտնի է դարձել ևս 4 սպանված զինծառայողների` Իլքին Մեմեդովի (İlkin Məmmədov), Սամիր Գաչաևի (Samir Qaçayev), պայմանագրային Ռուհին Գահրամանով (Ruhin Qəhrəmanov), Ռավան Նուրաևի (Rəvan Nurayev),   ինքնությունները:

Ստացվում է, որ ներկայում հայտնի է ադրբեջանցի 7 զոհված զինծառայողի անուն:

Սակայն ՊԲ հրապարակած նկարների առաջին խմբաքանակում երևում է 3 ադրբեջանցի սպանված զինծառայողի դի:

(Սպանվածների լուսանկարները ստորև).

Եթե հաշվենք ադրբեջանցի օգտատերերի սոցցանցային գրառումները, ապա Ադրբեջանի ԶՈւ կորուստներն անհամեմատ ավելի շատ են: Ստորև ներկայացված են այդ գրառումներից մի քանիսը:

Ադրբեջանական օգտատերերից մեկը հայտնել էր, որ Հորադիսում ադրբեջանական զինուժը տվել է 10 սպանված և 14 վիրավոր:

Ստորև ներկայացնում ենք ադրբեջանական օգտատերերի գրառումները` թարգմանությամբ.

«Ընկերնե՛ր, լավ լուր ունեմ։ Ֆիզուլին գրավել ենք (սա հերթական ապատեղեկատվությունն է, Ֆիզուլին ադրբեջանցիները չեն գրավել – խմբ), շարժվում ենք Ջաբրայիլի ուղղությամբ։ Ճիշտ է՝ 6 լեյտենանտ ենք կորցրել, բայց դե փա՜ռք հայրենիքին, տա Աստված հողերը շուտ ազատագրվեն»։

«Հենա Մինգեչաուր 3 զոհ են բերել, մեկը իմ հարևանի տղեն ա, բա դրանց մասին ինչի՞ չեք գրում»:

«Աստված ողորմի, սակայն չեմ հավատում այս հայտարարությանը, քանի որ Տերտերում, Բարդայում ու Աղդամում պատերազմ ա գնում, զոհերը 12 չեն, ավելի շատ են 100 %, աստված բոլորին ողորմի»:

«Հորողբորս տղեն զոհվել ա…. ախր ընդամենը 19 տարեկան էր… հիմա խաբարն էկավ… Անիծյալ լինեն….. Ախ, չեմ հավատում, որ չի գալու… (2 ամիս էր մնացել, որ գար..( Ռուֆետ, հոգիդ թող լուսավորվի.. »…

Ադրբեջանի ԶՈւ սպանված զինծառայող, մայոր Էլիև Էլնուր Ադիլ օղլու (Eliyev Elnur Adil oglu)

Ադրբեջանի ԶՈւ սպանված զինծառայող Վելիջանլը Նիյազ Գահրաման օղլու (Vəlicanlı Niyaz Qəhraman oğlu)

Ադրբեջանի ԶՈւ սպանված զինծառայող Օրխան Ալիև (Orxan Əliyev). Ղազախի շրջան, Ասթանբեյլի գյուղ

Ադրբեջանի ԶՈւ սպանված զինծառայող Սերվան Միհրալիև (Sərvan Mehralıyev)

Ադրբեջանի ԶՈւ խոցված Մի-24 ուղղաթիռներից մեկի սպանված օդաչուն`Բաքիր Իսմայիլով (Bəkir Ismayılov)

Ադրբեջանի ԶՈւ սպանված զինծառայող Իլքին Մեմեդով (İlkin Məmmədov)

Ադրբեջանի ԶՈւ սպանված պայմանագրային զինծառայող Ռուհին Գահրամանով (Ruhin Qəhrəmanov). Ջաբրայիլի շրջան

Ադրբեջանի ԶՈւ սպանված զինծառայող Ռավան Նուրաև (Rəvan Nurayev). Զաքաթալայի շրջան, Մուխախ գյուղ

Ադրբեջանի ԶՈւ սպանված զինծառայող Սամիր Գաչաև (Samir Qaçayev). Շամախիի շրջան, Չուխուրյուրդ գյուղ.

Ապրիլի 3-ին Ադրբեջանի Թարթառի շրջանում թաղվելուց և նկարները տարածվելուց հետո միայն հայտնի դարձել ապրիլի 2-ին արցախյան ճակատում սպանված Ադրբեջանի ԶՈւ ևս մեկ զինծառայողի`Նիջաթ իսգենդերովի (İsgəndərov Nicat Bəhruz oğlu) ինքնությունը: Սպանվածը Ադրբեջանի ԶՈւ պայմանագրային զինծառայող էր` զորակոչված Թարթառի զինկոմիսարիատից:

Ապրիլի 2-ին սպանված Ադրբեջանի ԶՈւ պայմանագրային զինծառայող Նիջաթ Իսգենդերով (İsgəndərov Nicat Bəhruz oğlu)