Հոնկոնգում հրշեջները շարունակում են պայքարել հրդեհի դեմ. զոհերի և վիրավորների թիվը շարունակում է աճել

Հոնկոնգի բնակելի համալիրի ութ շենքերից երեքում շարունակում են աշխատել հրդեհաշիջման աշխատանքներ։

Քաղաքի հրշեջ ծառայությունը հայտարարել է, որ 26 որոնողական-փրկարարական խմբեր սկսել են որոնել զոհվածներին և վիրավորներին։

Հրդեհը բռնկվել է Հոնկոնգի Թայ Պո շրջանում գտնվող ութ բարձրահարկ շենքերից բաղկացած Վան Ֆուկ Քորթ համալիրում։ Մեկ շենք մեծ մասամբ չի վնասվել, իսկ յոթը՝ այրվել են։ Կրակը տարածվել է բամբուկե կառույցների վրա, որն օգտագործվել է կոսմետիկ վերանորոգման համար։ Համալիրն ունի մոտ 2000 բնակարան և այնտեղ բնակվում է մոտ 4000 բնակիչ։

Մոտ 900 բնակիչ գտնվում է ժամանակավոր բնակության կենտրոններում և նրանց ապահովվել է ջուր և սնունդ։ Շատերը գիշերել են հարազատների և ընկերների մոտ։

Վերջին տեղեկությունների համաձայն՝ առնվազն 44 մարդ մահացել է, մոտ 100-ը՝ վիրավորվել, որոնցից 45-ը ծանր վիճակում են։ 279 մարդ դեռևս անհետ կորած է համարվում։ Ոստիկանությունը ձերբակալել է վերանորոգումն իրականացրած ընկերության երկու ղեկավարների, ինչպես նաև խորհրդատու ինժեների։

Մամուլի ասուլիսում ոստիկանության խոսնակը հայտարարեց, որ հետաքննությունը հիմքեր ունի ենթադրելու, որ ընկերության պատասխանատու պաշտոնյաների անփութությունն է եղել միջադեպի պատճառը: