Թուրքիան դատապարտել է Հունաստանի՝ ԵՄ հարթակում ծովային քարտեզ պարտադրելու փորձը

Թուրքիայի արտաքին գործերի նախարարության խոսնակ Օնջու Քեչելին խստորեն դատապարտել է Հունաստանի՝ Եվրամիության (ԵՄ) ծովային տարածական պլանավորման (ԾՏՊ) հարթակի միջոցով քարտեզ պարտադրելու փորձը։ Նա նշել է, որ դա խախտում է Թուրքիայի ծովային իրավասությունն ու հավելել. «Մեր երկիրը մերժում է նման ապօրինի փաստերի պլանավորման փորձը»:

Քեչելին ընդգծել է, որ Թուրքիան ուշադիր հետևում է ՄԱԿ-ի  առաջարկություններին համապատասխան իրականացվող ծովային տարածական պլանավորման ուսումնասիրություններին, նշելով, որ Թուրքիան իր ազգային ԾՏՊ-ն հայտարարել է սույն թվականի ապրիլի 16-ին և հունիսի 12-ին և տեղեկացրել է ՅՈՒՆԵՍԿՕ-ի միջկառավարական օվկիանոսագիտական ​​հանձնաժողովին:

Նա նաև շեշտել է, որ Հունաստանի ԾՏՊ քարտեզը՝ տեղադրված Եվրոպական հանձնաժողովի ԾՏՊ հարթակի կայքում, իբր  խախտում է Թուրքիայի ծովային իրավասությունը Եգեյան ծովում և Արևելյան Միջերկրականում։ Նշվում է, որ այն թարմացվել է ու հղում է արվում հունական իրավասու մարմիններին:

«Հասկանալի է, որ Հունաստանը, որը շարունակում է անտեսել միջազգային ծովային իրավունքի հիմնարար սկզբունքները, փորձում է իր ոչ պաշտոնապես հայտարարված բացառիկ տնտեսական գոտին (ԲՏԳ) Արևելյան Միջերկրական ծովում պարտադրել ԵՄ-ի միջոցով՝ օգտագործելով ծովային քարտեզը։ Մեր երկիրը մերժում է այս անօրինական փորձը»,- նշել է Քեչելին։