Կինն ահազանգել է՝ իր աղջկա ամուսինը ոչ սթափ վիճակում uպшնnւմ է աղջկան

ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում փաստաթղթեր են ստացվել ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Նուբարաշենի բաժնից։ 

Shamshyan.com-ի հաղորդմամբ, նոյեմբերի 16-ին ոստիկանության Նուբարաշենի բաժին ահազանգողը  հայտնել է, որ իր աղջկա 40-ամյա ամուսինը ոչ սթափ վիճակում սպանում է իր 34-ամյա աղջկան և խնդրել է, որպեսզի շտապ ոստիկանության ծառայողները մոտենան նշված հասցե։

«Ոստիկանության Նուբարաշենի բաժնի ծառայողները նշված հասցե են ժամանել բավականին ուշացումով, ինչի մասին ասում էին տուժած քաղաքացու հարևանները, ովքեր խնդրեցին, որպեսզի չհայտնենք իրենց ինքնությունը, ապա արդեն տեղում պարզվել է, որ տղամարդը, ով Կ. Շ.-ն է, իրենց շենքի 8-րդ հարկի բնակարանում կենցաղային հարցերի շուրջ վիճաբանել է կնոջ՝ Լ. Գ.-ի հետ, հարվածներ հասցրել, քաշքշել շորերից, ապա նրա կամքին հակառակ սեռական բնույթի հարաբերություն է ունեցել, իսկ արդեն տեղում կինը հայտնել է, որ այդ ամենը պարբերական բնույթ է ունեցել ու այդ մասին իմացել են նաև ոստիկանության Նուբարաշենի բաժնում, սակայն ոչինչ չեն ձեռնարկել Կ. Շ.-ի ուղղությամբ»,- գրում է կայքը։