Վաղարշապատի ընտրություններն աչքի են ընկել ընտրախախտումների աննախադեպ բարձր մակարդակով. Ավետիք Չալաբյան

«Եթե այս ընտրության արդյուքնները բաժանենք նախկին երկու համայնքների՝ Վաղարշապատի և Խոյի, կստացվի իրարից էապես շատ տարբեր երկու պատկեր»,- ասուլիսում ասաց «Հայաքվե» դիտորդական առաքելության դիտարկումները ներկայացրեց Ավետիք Չալաբյանը։ Նա նշեց, որ ՏԻՄ ընտրությունները դիտարկել են «ՀայաՔվե»-ի 132 դիտորդ

չալաբյանն ասաց, որ Խոյ համայնքում ՔՊ-ն ստացել է 59.2 %, «Հաղթանակ» դաշինքը 21.2% և «Մայր Հայաստանը»՝ 10.5%։

 «Վաղարշապատում ՔՊ-ն ստացել է 42 % ձայն, «Հաղթանակ» դաշինքը՝ 38.2 %, իսկ «Մայր Հայաստանը» նախընտրական շեմը չի հաղթահարել։

Չալաբյանի խոսքով՝ եթե Վաղարշապատում առանձին ընտրություններ լիներ, ապա այս արդյունքներով կառավարումը պետք է տեղի ունենար ավագանիում կոալիցիայի ձևավորման միջոցով։

Բանախոսը նաև Սահմանադրության խախտում համարեց ընտրությունների հաջորդ օրը Նիկոլ Փաշինյանի հայտարարությունը, թե այն նշանակում է, որ հաջորդ փուլով Մայր Աթոռի դեմ են դուրս գալու։ Չալաբյանը շեշտեց, որ հաղթող ուժերին ընտրողները ձայն են տվել իրենց համայնքի խնդիրները լուծելու համար, այլ ոչ թե Մայր Աթոռի դեմ դուրս գալու։

«Այս ընտրություններն աչքի են ընկել ընտրախախտումների աննախադեպ բարձր մակարդակով, մանավանդ՝ Խոյ համայնքի տարածքում և դրանցից շատերն արձանագրված են զեկույցում»,-ասաց Չալաբյանը, նշելով, որ այն ընթացել է ընտրողների ազատ կամընտրության վրա զանգվածային ներազդեցության պայմաններում, ինչը եղել է կազմակերպված և միտումնավոր։