15-րդ թաղամասում հայտնաբերվել է վնասված «Chevrolet Volt». վարորդին որոնում են

Այսօր՝ նոյեմբերի 17-ին, արտակարգ դեպք է տեղի ունեցել Երևանում: Ժամը 06:00-ի սահմաններում ՀՀ ներքին գործերի նախարարության ոստիկանության պարեկային ծառայության Երևան քաղաքի գնդի 2-րդ գումարտակում տեղեկություններ են ստացվել, որ Կվարտալի՝ ժողովրդին հայտնի «կոլցեվոյում» վթարված ավտոմեքենա կա, հաղորդում է Shamshyan.com–ը։

Նշված վայրում՝ կանաչ գազոնում, պարեկները հայտնաբերել են առջևի հատվածը վնասված «Chevrolet Volt» մակնիշի ավտոմեքենա:

Ըստ նախնական տեղեկությունների՝ վարորդը Սիլիկյան թաղամասից դեպի 15-րդ թաղամաս ընթանալիս բախվել է բազալտե եզրաքարերին, ապա երկաթե սյանը:

Այս պահին պարեկներն ու համայնքային ոստիկանները պարզում են ավտոմեքենայի սեփականատիրոջ ինքնությունը, ինչպես նաև ձեռնարկվում են անհրաժեշտ միոցառումներ՝ վարորդին հայտնաբերելու և պարզելու՝ արդյոք նշված վթարի հետևանքով քաղաքացի կամ քաղաքացիներ տեղափոխվել են հիվանդանոցներ, թե ոչ: 

Ավտոմեքենան քարշակի միջոցով տեղափոխվել է ՊԾ Երևան քաղաքի գնդի պահպանվող հատուկ տարածք: