Հայոց ցեղասպանության թանգարան-ինստիտուտի հերթական գիտական հաջողությունը

Միջազգային հեղինակավոր “Women’s History Review” (Q1 WOS, Scopus) պարբերականում տպագրվել է ՀՑԹԻ-ի տնօրեն պ.գ.թ. Էդիտա Գզոյանի, գիտաշխատող բ.գ.թ., դոցենտ Էլինա Միրզոյանի և ավագ գիտաշխատող պ.գ.թ. Ռեգինա Գալուստյանի համահեղինակած հոդվածը՝ “In the Shadow of Genocide: Female Perpetrators of the Armenian Genocide”/ «Ցեղասպանության ստվերում. Հայոց ցեղասպանության կին ոճրագործները»: Հոդվածով առաջին անգամ ներկայացվում է մինչև այժմ չհետազոտված թեմա՝ կանանց ակտիվ մասնակցությունը Հայոց ցեղասպանությանը, նրանց հանցավոր ներգրավվածությունը և, որպես ոճրագործի, դերակատարությունը:

Հոդվածի մասին է անդրադարձել նաև Armenianweekly-ն, որի խմբագրականում շեշտադրվում է Հայոց ցեղասպանության թանգարան-ինստիտուտի աճող հեղինակությունը՝ որպես գիտական հիմնարկ. «Այս հրատարակությամբ ամրապնդվում է ՀՑԹԻ-ի զարգացող դերը որպես առաջատար միջազգային հետազոտական կենտրոն՝ նվիրված նոր հեռանկարների բացահայտմանը և Հայոց ցեղասպանությանը, ինչպես նաև համեմատական ցեղասպանագիտական ուսումնասիրությունների վերաբերյալ ակադեմիական երկխոսության խթանմանը: ՀՑԹԻ-ն շարունակում է խրախուսել միջառարկայական հետազոտությունները, որոնք խորացնում են անցյալի գիտելիքները՝ նպաստելով ցեղասպանագիտական ուսումնասիրությունների համաշխարհային ոլորտին»: