Օնիկ Հարությունյանի կողմից ձերբակալման հիմք հանդիսացած մտքերը հնչել են «TikTok»-ի ուղիղ եթերում. փաստաբան
Հոկտեմբերի 12-ի երեկոյան, ի վերջո, հաջողվեց հայտնաբերել բլոգեր Օնիկ Հարությունյանին։ Փաստորեն, նա այդ ողջ ընթացքում գտնվել է Վաղարշապատի ոստիկանության բաժնում, ապա նրան տեղափոխել են Վաղարշապատի քննչական բաժին։ Այս մասին ֆեյսբուքյան իր էջում գրել է փաստաբան Սերգեյ Սարգսյանը։
Նա, մասնավորապես, նշել է. «Փաստացի, Վաղարշապատի ոստիկանության բաժնում խուսափել են տեղեկություններ ներկայացնել Օնիկ Հարությունյանի գտնվելու վայրի վերաբերյալ՝ առերևույթ խոչընդոտելով փաստաբանի` մասնագիտական գործունեությանս։
Քննչական բաժնում պարզ դարձավ, որ Օնիկ Հարությունյանը ձերբակալվել է քաղաքական բովանդակությամբ մտքեր և քննադատություններ հնչեցնելու համար, որոնք ուղղված են եղել ընդդեմ Արգիշտի Մեխակյանի, ինչը քննչական բաժնում դիտարկել են որպես խուլիգանություն։
Ձերբակալման արձանագրությունից պարզ է դարձել, որ Օնիկ Հարությունյանի կողմից ձերբակալման հիմք հանդիսացած մտքերը հնչել են «TikTok» հարթակում ուղիղ եթերի ժամանակ։
Այդ հարթակից օգտվողների համար հայտնի է, որ ուղիղ եթերների ավարտից հետո դրանք չեն պահպանվում օգտատիրոջ էջում։ Այսինքն, որպեսզի հնարավոր լինի արձանագրել որևէ խոսք կամ առերևույթ հանցավոր արարք, անհրաժեշտ է ուղիղ եթերը տեսաձայնագրել հենց ուղիղ եթերի ժամանակ։ Օնիկ Հարությունյանը գրեթե ամենօրյա ռեժիմով է իրականացրել իր ուղիղ եթերները։
Սա վկայում է, որ ընդդիմադիր գործունեություն ծավալող անձանց սոցիալական էջերը գտնվում են իրավապահ մարմինների ամենօրյա մոնիտորինգի ներքո` քաղաքական հետապնդումների հիմքեր օպերատիվ գտնելու համար։
Հ.Գ. մինչ այս պահն իրավապահ մարմինների կողմից մոնիտորինգ չի իրականացվել մերձիշխանական անձանց և իշխանության ներկայացուցիչների սոցիալական էջերի և գործունեության նկատմամբ, ովքեր հայհոյանքներ են հնչեցրել կամ առերևույթ խուլիգանական վարքագիծ են դրսևորել իրենց ընդդիմախոսների նկատմամբ։ Հակառակ պարագայում բազմաթիվ ձերբակալվածներ կլինեին իշխանական շրջանակներից»։
Հիշեցնենք, որ երեկ Վաղարշապատում անհայտ անձինք գետնին էին տապալել «Մայր Հայաստան»–ի աջակից Օնո Հարությունյանին և տարել անհայտ ուղղությամբ։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Ահա եւ վերջ, ես հրաժարվեցի ՀՀ անձնագրից․ այլեւս երբեք Հայաստան չեմ գա. Նորատ Տեր-Գրիգորյանց
