44-օրյա պատերազմի մասնակից Վահե Եղիազարյանն օգնության կարիք ունի․ քույրն ահազանգում է
44-օրյա պատերազմի մասնակից Վահե Եղիազարյանի քույրը՝ Սեդա դանիելյանը, ֆեյսբուքյան իր էջում հրապարակել է լուսանկարներ, տեսանյութ և կից գրել․
«Վահեն այն տղաներից է, որ պատերազմի օրերին չխնայեց իրեն։
Երբ հրաման եկավ, որ հինգ հոգի պետք է բարձրանան դիրքեր, նա առանց վարանելու առաջիններից մեկն էր։
44-օրյա պատերազմի ամենաթեժ օրերին նրանք կորցրին իրենց ընկերոջը։
Վշտից ու վրդովմունքից տղաները 44 օր շարունակ սարերից չիջան։
Վահեն այն ժամանակ ոտքերում ստացավ բեկորային վնասվածքներ, բայց չնահանջեց։
Նա սովորեց ինքն իրեն սրսկել, կաթիլային միացնել և նույնիսկ սեփական ոտքերից բեկորներ հանել՝ միայն թե չիջնի ներքև ու չթողնի ընկերներին մենակ։
Նա վնասազերծեց 4 տանկ, իսկ մի դեպքով՝ երբ արկն ընկավ նրանց դիրքը, տղաները մտածեցին, թե Վահեն այլևս չկա…
Բարձր փոշու միջից, հողի տակից, նա նորից դուրս եկավ՝ ողջ ու կանգուն։
Երբ հետ նահանջի հրաման տրվեց, Վահեն այն քաջերից էր, ով չհնազանդվեց։
Նա մնաց իր դիրքում և պայքարեց մինչև վերջ՝ չթողնելով, որ դիրքերը հանձնվեն։
Այդ պատճառով էլ նա զրկվեց Շքանշանից և Պատվոգրից…
Բայց Վահեն երբեք չի ափսոսել դրա համար։
Նրա խոսքերով՝
«Ինձ ոչ մի բան նրանցից հարկավոր չէ…
Դա իմ ընկերոջը հետ չի բերի»
Վահեն երբեք չէր սիրում խոսել պատերազմի մասին։ Նրա լռությունը ավելի շատ էր ասում, քան ցանկացած պատմություն։
Նա վերադարձավ տուն՝ մտածելով, որ վերջապես խաղաղություն է, բայց ճակատագիրը նոր փորձություն ուներ նրա համար…
Խաղաղ օրերին Վահեն ծանր վթարի է ենթարկվում։
Վնասվածքներն այնքան լուրջ էին, որ բժիշկներն անգամ չէին հավատում, թե նա կկարողանա խոսել կամ շարժվել։
Բայց ինչպես պատերազմի օրերին, այս անգամ էլ նա չհանձնվեց
Այսօր Վահեն պայքարում է նոր կյանքի համար՝ վերականգնման երկար ու ցավոտ ճանապարհով։
Նրա ամեն մի շարժումը հաղթանակ է, ամեն մի ժպիտը՝ հույսի նշան։
Այս տեսանյութը պատերազմի օրերից է՝ երբ նա հաց էր տանում դիրքերում եղած տղաներին։ Ճանապարհին ձայնագրում էր նրանց համար՝
որ տեսնեն, որ նա գալիս է...
Այսքան փորձությունների միջով անցած Վահեն այսօր օգնության կարիք ունի։
ԱՊՊԱ-ի հատկացրած գումարը վաղուց ծախսվել է նախկին վիրահատությունների վրա,
իսկ պետությունը չի հոգում նրա բուժման ընթացքը։
Ձեր ամեն մի դրամը կօգնի Վահեին ոտքի կանգնել։
Նա արժանի է լիարժեք ապրելուն։
Միասին կարող ենք վերադարձնել նրա քայլերը։
Հաշվեհամարներ՝
Ֆաստ բանկ – 2621140827751001
Քարտ՝ 4335 4400 4006 8088
ԻԴրամ – 11800904828100 / 11800904828101»,-գրել է քույրը։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
