Գառնի-Գեղարդ, Դիլիջան, Երևանյան շրջայցեր. ո՞ր վայրերն են ամենից շատ նախընտրել 2025-ին ՀՀ այցելած զբոսաշրջիկները

ՔՊ պատգամավոր Բաբկեն Թունյանը ներկայացրել է վիճակագրական կոմիտեի տվյալները, թե որ վայրերն են ամենից շատ նախընտրել 2025 թվականին Հայաստան այցելած զբոսաշրջիկները։

«Այս տարվա հունվար-հունիս ժամանակահատվածում զբոսաշրջային օպերատորների / գործակալների կողմից կազմակերպված տուրերի շրջանակում ՀՀ այցելած զբոսաշրջիկների համար ամենապահանջվածը եղել է Գառնի-Գեղարդ ուղղությունը:

Ըստ վիճակագրական կոմիտեի տվյալների, տարվա առաջին 6 ամիսների ընթացքում Գառնու տաճար և Գեղարդի վանք այցելել է 16 537 միջազգային զբոսաշրջիկ:

Երկրորդ տեղում Դիլիջանն է՝ 9 480 մարդ, երրորդ տեղում երևանյան շրջայցերն են՝ 9 174 մարդ:

Ըստ այցելության վայրերի՝ առաջին տասնյակն ունի հետևյալ տեսքը.

1. Գառնի-Գեղարդ՝ 16 537 մարդ,

2. Դիլիջան՝ 9 480 մարդ,

3. Երևանյան շրջայցեր՝ 9 174 մարդ,

4. Սևան՝ 8 931 մարդ,

5. Էջմիածին-Զվարթնոց՝ 7 318 մարդ,

6. Խոր Վիրապ՝ 7 287 մարդ,

7. Արենի՝ 6 015 մարդ,

8. Ծաղկաձոր՝ 5 412 մարդ,

9. Նորավանք՝ 5 399 մարդ,

10. Տաթև՝ 4 664 մարդ:

Ամենից քիչ թվով զբոսաշրջային այցելություններ արձանագրել են Օշականը (806 մարդ) և Ենոքավանը (452 մարդ):

Նշեմ, որ խոսքը վերաբերում է միայն տուրօպերատորների կողմից կազմակերպված այցելություններին և ներառում է տարվա առաջին կեսը:

Դատողություններ անելու համար այս ինֆորմացիան, իհարկե, բավարար չէ, բայց կարծում եմ՝ հետաքրքիր է»,-գրել է նա։