Տեղի է ունեցել Հայաստանի ձիասպորտի ֆեդերացիայի նախագահի գավաթի խաղարկությունը. հայտնի են հաղթողները

Հոկտեմբերի 22-23-ը Հովիկ Հայրապետյանի անվան Ձիասպորտի կենտրոնում կայացել է Հայաստանի ձիասպորտի ֆեդերացիայի նախագահի գավաթի խաղարկությունը։

Հայաստանի ձիասպորտի ֆեդերացիայի նախաձեռնած միջոցառումն անցկացվել է երկու մրցութային օրով, մարզիկներն ու նժույգները մրցել են արգելքների հաղթահարում մրցաձևում։

Յուրաքանչյուր մրցութային օր երթուղիները երեքն են եղել՝ սիրողական, 4-5 տարեկան նժույգներ, 6-7 տարեկան նժույգներ։

«Մարզիկներն ու նժույգները ներկայացնում էին Հ․ Հայրապետյանի անվան Ձիասպորտի կենտրոնն ու Միրաժ ակումբը։

Գավաթի խաղարկության մրցանակային հիմնադրամը սահմանվել էր Հայաստանի ձիասպորտի ֆեդերացիայի նախագահ Հայրապետ Հայրապետյանի կողմից։ Այն կազմում էր 1 000 000 ՀՀ դրամ։

Գավաթը նվաճեց երկրորդ մրցութային օրը 6-7 տարեկան նժույգների համար նախատեսված երթուղում առաջին հորիզոնականը զբաղեցրած մարզուհին ՝ Լալա Տեր Մինասյանսը՝ Սքայ Հայ նժույգով, ով ներկայացնում էր Միրաժ ակումբը։

Երկրորդ մրցութային օրվա մրցանակակիրները՝ ըստ երթուղիների․

Երթուղի N 1

1-ին՝ Դավիթ Խալաթյան- Մեղրիկ - Ձիասպորտի կենտրոն

2-րդ՝ Մարիամ Փաշինյան- Օրրան -Ձիասպորտի կենտրոն

3-րդ ՝ Եկատերինա Նուժդինա- Ձյունիկ-Ձիասպորտի կենտրոն

Երթուղի N 2

1-ին՝ Դավիթ Խաչատրյան - Վալենտիին - Ձիասպորտի կենտրոն

2-րդ՝ Ալեքսանդրա Բախարևա - Օրիոն G. F. - Միրաժ

3-րդ ՝ Խալաթյան Դավիթ - Կալիպսո-Ձիասպորտի կենտրոն

Երթուղի N 3

1-ին՝ Լալա Տեր Մինասյանս- Սքայ Հայ - Միրաժ

2-րդ՝ Խալաթյան Դավիթ - Գանձ -Ձիասպորտի կենտրոն

3-րդ ՝ Պողոսյան Արսեն - Գեղարդ- Միրաժ»,- ասվում է հաղորդագրության մեջ: