ՔՊ-ական պատգամավորի զոքանչն ի՞նչ է արել, որ դուք նրան կալանավորել եք. Խամոյանը՝ ՔԿ նախագահին
«Հարկայինի աշխատողները շատ կուլտուրական ներխուժում են տնտեսվարողների գործունեության վայր, առաջարկում են X գումարի հարկ վճարել, հակառակ դեպքում սպառնում են, որ իրենցով կզբաղվեն քննիչները»,-ԱԺ Պետական-իրավական հարցերով մշտական հանձնաժողովում 2026 թ. բյուջեի քննարկման ժամանակ ՔԿ նախագար Արթուր Պողոսյանին հարցրեց «Հայաստան» խմբակցության պատգամավոր Ագնեսա Խամոյանը՝ շեշտելով, որ պետական ռեկետ է իրականացվում։
Նրա խոսքով` քննիչներն էլ առաջարկում են ինչ-որ հաշվեհամարի գումար փոխանցել, որը հետագայում հաշվարկ կարվի, կա՛մ կվերադարձվի, կա՛մ՝ ոչ, հակառակ դեպքում սպառնում են, որ կկալանավորեն բիզնեսի սեփականատիրոջը։
Անցնելով քաղբանտարկյալների խնդրին՝ Խամոյանը հարցրեց. «Ե՞րբ եք Սամվել Կարապետյանի գործն ուղարկելու դատարան, «զադերժկան» ինչո՞ւմն է»։
Նշելով, որ այս ընթացքում բազմաթիվ գաղտնալսումների դեպքեր են արձանագրվել՝ Խամոյանը հետաքրքրվեց, թե իր մտքով չի անցնում վարույթ հարուցել։
Պողոսյանը հայտնեց, թե համաձայն չէ այն ձևակերպման հետ, որ պետական ռեկետ է իրականացվում։
ՔԿ նախագահը հայտնեց, որ իրենք 10 մլն դրամը հազիվ գերազանցող դեպքերով չեն վարույթ նախաձեռնում։
«Հասկանում եմ, որ երբ Քրեադատավարական միջոցներ ես ձեռնարկում, որոնք միջամտում են տնտեսվարողի գործունեության վրա, որոշակի դժգոհություններ կարող է գեներացնել»,- ասաց Պողոսյանը։
Պատասխանելով գործարար Սամվել Կարապետյանի գործը դատարան չուղարկելու պատճառների մասին հարցին՝ ՔԿ նախագահն ասաց. «Հսկայածավալ քրեական վարույթ է, այնտեղ մենք գործ ունենք փողերի լվացման, խարդախության, հարկեր վճարելուց խուսափելու հետ»։
Նա նշեց, որ քննչական վարույթը ծավալուն է և բազմաթիվ քննչական գործողություններ են իրականացվում։
Պողոսյանը հայտնեց, որ այս պահին ՔԿ-ում 811 քննիչի հաստիք է համալրված, թափուր է 203-ը և 158 կին ծառայող կա։
Խամոյաննը ուրախություն հայտնեց, որ ՔԿ նախագահը չհերքեց, որ քննիչները գործարարներին ստիպում են գումար մուծել, հակառակ դեպքում գործ կհարուցեն։
Հայտարարելով, որ կալանքը ՔԿ-ում ֆետիշացվում է՝ Խամոյանը հարցրեց.
«ՔՊ-ական պատգամավորի զոքանչն ի՞նչ է արել, որ դուք կալանավորել եք՝ ի պաշտպանություն Վարդան Ղուկասյանի ակցիային մասնակցելու համար»։
Պատգամավորը նաև հիշեցրեց, որ Գյումրիում նաև անչափահաս են ձերբակալել։
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
