Հարցի լուծումը հակառակորդի պոնտենցիալի ոչնչացումն է

«Սա անակնկալ չէր, մենք սահմանային գոտում ենք գնտվում ու արդեն 2 տարի է` խոսվում է, որ հնարավոր են լայնամասշտաբ գործողություններ»: Newspress.am-ի հետ զրույցում ասաց քաղաքագետ Լևոն Շիրինյանը` անդրադառնալով սահմանին տիրող լարվածությանը:

Նա չի բացառվում որ Թուրքիան փորձում է Սիրիայի գործողությունների շարքը տեղափոխել Կովկաս: Սակայն, ըստ նրա, ինչի հետևանքով էլ որ սկսված լինեն գործողությունները, հարկավոր է ոչնչացնել հակառակորդի պոտենցյալ ուժը:
«Հայտնի բան է` հաղթում է նա, ով շատ է ոչնչացնում: Հիմա պետք չէ խուճապի մատնվել: Մեր բանակին քաջառողջություն մաղթենք, որովհետև սա նրանց պատմական միսսիան է: Բանակը պետք է փորձի առավելագույնս վնասել հակառակորդին»,- նկատեց Շիրինյանը:

Նրա խոսքով` Արցախը միշտ էլ պատերազմական իրավիճակում է, պարզապես հիմա մասշտաբներն են փոխվել: Ու հենց այս իրավիճակում էլ կերևա, թե ովքեր են մեր բարեկամները:

«Բանակն, ինչ խոսք, իր գործը պետք է անի, սակայն կարևոր է նաև հասկանալ, թե ինչ գործողությունների կդիմեն մեր «բարեկամներ»-ը»,- նշեց քաղաքագետը: