Պակիստանը և Աֆղանստանը համաձայնության են եկել պահպանել հրադադարը

Պակիստանը և Աֆղանստանը համաձայնել են պահպանել հրադադարը։ Թուրքիայի արտաքին գործերի նախարարությունը հայտարարություն է տարածել Պակիստանի և Աֆղանստանի միջև բանակցությունների ընթացքի վերաբերյալ։ Հայտարարության մեջ ասվում է.

«1. Աֆղանստանը, Պակիստանը, Թուրքիան և Կատարը 2025 թվականի հոկտեմբերի 25-ից 30-ը Ստամբուլում հանդիպումներ են անցկացրել՝ ամրապնդելու Աֆղանստանի և Պակիստանի միջև Դոհայում 2025 թվականի հոկտեմբերի 18-19-ը Թուրքիայի և Կատարի միջնորդությամբ կնքված հրադադարը։

2. Բոլոր կողմերը համաձայնել են պահպանել հրադադարը։

3. Հետագա քայլերը կքննարկվեն և կհաստատվեն 2025 թվականի նոյեմբերի 6-ին Ստամբուլում կայանալիք ղեկավարության մակարդակով հանդիպման ժամանակ։

4. Բոլոր կողմերը համաձայնել են ստեղծել մոնիթորինգի և ստուգման մեխանիզմ՝ խաղաղության պահպանումն ապահովելու և համաձայնագիրը խախտող ցանկացած կողմի նկատմամբ պատժամիջոցներ կիրառելու համար։

5. Որպես միջնորդներ՝ Թուրքիան և Կատարը շնորհակալություն են հայտնում երկու կողմերին ակտիվ աշխատանքի համար և վերահաստատում են իրենց պատրաստակամությունը շարունակել աշխատանքը երկու կողմերի հետ՝ երկարատև խաղաղություն և կայունություն հաստատելու համար»։,-նշված է հայտարարությունում: