Եվրոպան նախապատրաստվում է նոր, խոշոր պատերազմի. Լավրով

Եվրոպան չի թաքցնում Ռուսաստանի և Բելառուսի միութենական պետությունից արևմուտք նոր խոշոր եվրոպական պատերազմի նախապատրաստությունները:

Այս մասին հայտարարել է Ռուսաստանի արտաքին գործերի նախարար Սերգեյ Լավրովը։

«Նրանք նաև չեն թաքցնում Ռուսաստանի և Բելառուսի միութենական պետությունից արևմուտք կատարվող նախապատրաստությունները՝ նոր խոշոր եվրոպական պատերազմի նախապատրաստությունները, և այդ նպատակով կոալիցիա են կառուցում։ Օրինակ՝ հուլիսին Ֆրանսիան և Մեծ Բրիտանիան համաձայնեցին համակարգել իրենց միջուկային ուժերը՝ ստեղծելով մի տեսակ Անտանտ՝ հրթիռային համակարգեր մշակելու համար», - ասել է նա Եվրասիական անվտանգության հարցերով Մինսկի երրորդ միջազգային համաժողովի բարձր մակարդակի լիագումար նիստում ունեցած իր ելույթի ժամանակ։

Լավրովը հիշեցրել է, որ Գերմանիան և Մեծ Բրիտանիան վերջերս ստորագրել են ռազմական համագործակցության մասին համաձայնագիր, և հիմա, ընդամենը մի քանի օր առաջ, սկսել են լսելի լինել այս ռազմական համագործակցությանը միջուկային կետ ավելացնելու մասին։