Ռուբինյանի հայտարարությունը խեղաթյուրում է իրավունքի էությունը և ժողովրդավարական համակարգի հիմքերը. «Քոչարի» կուսակցություն
«Քոչարի ազգային վերածնունդ և ազգի զարթոնք» կուսակցությունը հայտարարություն է տարածել ԱԺ փոխխոսնակ Ռուբեն Ռուբինյանի վերջին ճեպազրույցում հնչած հայտարարությունների վերաբերյալ:
Տեքստի մեջ մասնավորապես նշված է.
«Ռուբեն Ռուբինյանի վերջին ճեպազրույցում հնչած հայտարարությունները ոչ միայն անընդունելի են քաղաքական էթիկայի տեսանկյունից, այլև խորապես հակասում են իրավական պետության հիմքերին։ Նրա խոսքում հնչած միտքը՝ թե «եթե կա մեղադրանք դատախազության կողմից, դա արդեն բավարար է», խստորեն հակասում է բոլոր միջազգային կոնվենցիաներին, այդ թվում՝
Մարդու իրավունքների եվրոպական կոնվենցիայի 6-րդ հոդվածին, ՄԱԿ-ի Քաղաքացիական և քաղաքական իրավունքների մասին դաշնագրի 14-րդ հոդվածին, որտեղ հստակ ամրագրված է անմեղության կանխավարկածի սկզբունքը՝ յուրաքանչյուր մարդ համարվում է անմեղ, քանի դեռ դատարանի օրինական ուժի մեջ մտած վճռով չի ճանաչվել մեղավոր։
Այսպիսի հայտարարությունը ոչ միայն վտանգավոր է իրավական տեսանկյունից, այլև սահմանադրական կարգի վրա ուղղված հարված է, քանի որ այն քաղաքական գործչի կողմից հանրության մեջ ձևավորում է այն վտանգավոր միտքը, թե դատախազության մեղադրանքը արդեն համարժեք է դատարանի վճռին։
Ավելին, անթույլատրելի է, երբ Ռուբեն Ռուբինյանը ընդդիմության քննադատությունը համեմատում է իր իսկ ձևակերպած այդ դիրքորոշման հետ՝ փորձելով ներկայացնել, թե ընդդիմադիր գնահատականները նույնպես խախտում են անմեղության կանխավարկածը։
Այս մոտեցումը բացահայտ մանիպուլյացիա է, որը միտված է լռեցնելու հասարակական վերահսկողությունն ու քաղաքական քննադատությունը։
Իրականում՝ քննադատությունը ընդդիմադիր քաղաքական ուժերի կողմից ոչ թե խախտում է կանխավարկածը, այլ հանդիսանում է ժողովրդավարության և ազատ խոսքի հիմնարար արտահայտություն։
Հակառակը՝ այն իշխանությունը, որը խտրական մոտեցմամբ փորձում է լռեցնել քննադատությունը՝ արդարացնելով իր գործողությունները «անմեղության կանխավարկածով», իրականում փորձում է վերացնել ժողովրդավարական վերահսկողությունը։
Այս տրամաբանությամբ կառուցված համակարգը բերում է մեկ վտանգավոր եզրակացության՝
բռնապետություն, որտեղ ընդդիմությունը չի կարող քննադատել իշխանությանը, իսկ դատախազությունը դառնում է քաղաքական գործիքը՝ ոչ թե արդարադատության մարմինը։
Մենք՝ որպես ազգային պահպանողական ուժ, խստորեն դատապարտում ենք իշխանության որևէ ներկայացուցչի կողմից նման հայտարարությունները, որոնք խեղաթյուրում են իրավունքի էությունը և ժողովրդավարական համակարգի հիմքերը։
---
21 հոկտեմբերի, 2025թ.
«ՔՈՉԱՐԻ» Ազգային Վերածնունդ և Ազգի Զարթոնք կուսակցության վարչություն»:
Օգնեք, որ ապրեմ... տավուշցի 7-ամյա երեխային շտապ բուժօգնության համար ֆինանսական աջակցություն է հարկա...
Ինչ է ակնարկել Փաշինյանը ադրբեջանցիների համար խորհրդանիշ հանդիսացող կրծքազարդով
«Փորձելու ենք լրացնել այն բացը, որ այս տարիներին ունեցանք». «Գոյ» թատրոնը վերադառնում է. հայտնի է, թ...
Աննա Հակոբյանը հարսանիքին ներկա չէր, նա Ալեն Սիմոնյանի նախկին կնոջ և մի խումբ կանանց հետ էր. «Հրապար...
Փաշինյանն ասել էր, որ իր արձանը պետք է Բաքվում կանգնեցնեն. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ուղղակի արգելում եմ իմ հոր անունը այստեղ տալ... ինչ-որ հարց տալուց խնդրում եմ մտածել հետևանքների մաս...
Եթե Ռուսաստանը թանկացնի գազի գինը՝ Հայաստանն էլ կտեսնի, թե ինչ կա, որ կարելի է թանկացնել. Նիկոլ Փաշի...
Աջ ականջը ձախ ձեռքով չեն քորում. չարժեր ՔՊ մտնել «Բիզնես» «կլասով». Քաղաքագետ
Կան ղեկավարներ, որոնք չեն հասնում թոշակի տարիքին, քանի որ ժողովուրդը նրանց կախում է տուռնիկից. Քոչար...
