Լավրովը կջանա՞ Հայաստանի համար հերոս լինել Բաքվում

Ապրիլի 7-ին Ռուսաստանի արտգործնախարար Սերգեյ Լավրովը, Իրանի արտգործնախարար Մոհամմադ Ջավադին և Ադրբեջանի արտգործնախարար Էլմար Մամեդյարովը հանդիպելու են, քննարկելու է նավթային ոլորտի կոորդինացիայի հարցը:

Նշենք, որ դեռևս 2015թ-ին Իրանը արևմտյան պատժամիջոցների ֆոնին առաջարկել էր Ադրբեջանին իրականացնել նավթի «Swap» (փոխանակվող) մատակարարումներ Պարսից ծոց, իսկ Բաքուն Թեհրանին առաջարկել էր օգտվել իր խողովակաշարային ենթակառուցվածքներից` իրանական նավթը և գազը արտահանելու համար:

2015թ-ի վերջին Իրանի և կովկասյան տարածաշրջանի միջոցով նավթի և գազի արտահանման, տարանցիկ շարժի համար խոսակցությունները սկսեցին հստակեցվել, երբ Հայաստանը, Իրանը, Վրաստանը և Ռուսաստանը սկսեցին քառակողմ բանակցություններ էներգետիկ համագործակցության վերաբերյալ, մասնավորապես Իրանից Վրաստան գազի տարանցիկ մատակարաման համար:

Հայկական մամուլում սկսեցին գրել, որ հենց Հայաստանով է անցնելու Վրաստան արտահանվող գազամուղը, սակայն Ադրբեջանը դրանից ավելի վաղ էր փորձում Իրանին համոզել՝ տարանցիկ էներգետիկ արտահանումներ իրականացել հենց Ադրբեջանի տարածքով:

Հայաստանը լինելով վստահելի գործընկեր Իրանի համար, գուցե նախընտրելի է Իրանին, իսկ Ադրբեջանի հետ Իրանը ոչ միայն սահմանային, նաև կրոնական հողի վրա տարաձայնություններ ունի, բացի այդ, Վրաստանը այստեղ ունի իր խնդիրները: Գուցե նա պարզապես ցանկանում է Ադրբեջանից էներգակիրների էժանացման համար նախաձեռնել մշուշոտ գազ Իրանից գուցե Հայաստանի միջոցով նախագիծը: Ինչևէ:

Ւսկ այն, որ արևմտյան պատժամիջոցներից հետո Իրանը բազմամիլիոնանոց պայմանագրեր է կնքում և երկիրը կամաց-կամաց դուրս է գալիս մեկուսացված վիճակից, փաստ է, այլ հարց է, թե Հայաստանը դրանից ինչքանով կարող է օգտվել:

Եվ այժմ էլ Իրանի, ՌԴ-ի և Ադրբեջանի ԱԳՆ ղեկավարների հանդիպումը, որից դուրս է մնացել Հայաստանը:

Ինչպես կզարգանան իրադարձությունները, հայտնի կլինի ավելի ուշ, սակայն հայազգի Լավրովը հաստատ չի կարող Հայաստանի շահերը պաշտպանել մի երկրում, որտեղ հնարավորության դեպքում հաղորդավարի միջոցով կարողանում է նրան հայ լինելու համար վիրավորել:

Սակայն այս հանդիպման անհրաժեշտությունն այնքան բարձր է, որ Լավրովը մեկնում է Բաքու՝ հանդիպման:
Նշենք, որ հաճախ, եթե ոչ գրեթե միշտ հենց էներգակիրներով է որոշվում տարածաշրջանային քաղաքականությունը, և այս օրերին է գրվելու քաղաքականությունը, որից պարզ կդառնա Հայաստանով է անցնելու տարանցիկ գազամուղը, թե Ադրբեջանով: Իսկ Լավրովը կամ հերոս է լինելու Հայաստանի համար, կամ՝ հակահերոս: