Ադրբեջանն ու Պակիստանը սկսել են կործանիչների մասնակցությամբ համատեղ մեծ զորավարժություն

Պակիստանի ռազմաօդային ուժերի կոնտինգենտը, որը բաղկացած էր նորագույն JF-17 Thunder Block-III կործանիչներից, ինչպես նաև փորձառու թռիչքային և ցամաքային անձնակազմից, ժամանեց Ադրբեջան՝ մասնակցելու երկկողմանի օդային «Indus Shield Alpha» զորավարժություններին։

Պակիստանի ռազմաօդային ուժերի տվյալներով՝ պակիստանյան կործանիչները իրականացրել են Պակիստանից Ադրբեջան անդադար թռիչք՝ հաջողությամբ ավարտելով թռիչքի ընթացքում վառելիքի լիցքավորումը։

Հայտարարության մեջ նշվում է, որ «Indus Shield Alpha» զորավարժությունների նպատակն է ամրապնդել երկու եղբայրական ռազմաօդային ուժերի միջև փոխըմբռնումը, մարտավարական համակարգումը և փոխգործունակությունը։

Զորավարժությունները շեշտը դնում է ժամանակակից օդային մարտավարության, համատեղ առաքելությունների պլանավորման և իրականացման վրա:

Զորավարժությունները կծառայեն որպես կարևոր հարթակ՝ օպերատիվ փորձի փոխանակման և համատեղ լուծումների մշակման համար՝ նոր օդային պաշտպանության մարտահրավերներին դիմակայելու համար։